Royal Academy of Cambodia
(ព្រះវិហារ)៖ នៅវេលាម៉ោង ៨:១០នាទីយប់ថ្ងៃពុធ ទី២៧ ខែមករា ឆ្នាំ២០២០នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំក្រុមការងារឧទ្យានុរក្សនៃឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ចុះឃាត់រថយន្តមួយគ្រឿងពាក់ស្លាកលេខកងយោធពលខេមរភូមិន្ទ(ខ.ម) ដែលត្រូវបានប្រើប្រាស់សម្រាប់ប្រព្រឹត្តបទល្មើសព្រៃឈើ នៅក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។
ក្នុងប្រតិបត្តិការល្បាតរបស់ក្រុមឧទ្យានុរក្សក្រោមការដឹកនាំរបស់ឯកឧត្ដមបណ្ឌិតសភាចារ្យ សុខ ទូច ចុះល្បាតនិងត្រួតពិនិត្យនៅក្នុងបរិវេណព្រៃនៃឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នៅក្នុងឃុំឆែប១ និងឃុំឆែប២ ស្រុកឆែប ខេត្តព្រះវិហារ នៅយប់ថ្ងៃទី២៧ ខែមករា ឆ្នាំ២០២១នេះ ឯកឧត្ដមបណ្ឌិតសភាចារ្យនិងក្រុមការងារបានពើបប្រទះនឹងក្រុមអ្នកប្រព្រឹត្តបទល្មើសព្រៃឈើ ព្រមទាំងរថយន្តដឹកឈើ និងឈើប្រណីតដែលត្រូវជនប្រព្រឹត្តបទល្មើសកាប់រួចបម្រុងនឹងដឹកចេញពីឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។
តាមប្រសាសន៍គូសបញ្ជាក់របស់ឯកឧត្ដមបណ្ឌិតសភាចារ្យ រថយន្តដែលជនប្រព្រឹត្តបទល្មើសប្រើប្រាស់សម្រាប់ដឹកឈើនាពេលនេះ បានបំពាក់ស្លាកលេខកងយោធពលខេមរភូមិន្ទ (ខ.ម) (ស្លាកលេខ ខេមរភូមិន្ទ 2-3786) បានដឹកឈើប្រណិត ប្រភេទឈើផ្ចឹកដែលមានខ្នាត7 ទៅ8តឹក។ រថយន្ត និងឈើប្រណីតដែលជាវត្ថុតាងខាងលើនេះ ត្រូវបានឯកឧត្ដមបណ្ឌិតសភាចារ្យឱ្យក្រុមការងារឧទ្យានុរក្សនៃឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប យកមករក្សាទុកនៅទីស្នាក់ការឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប៕
RAC Media
យុទ្ធសាស្ត្រថ្មីរបស់លោកដូណាល់ត្រាំ គឺធានាឱ្យអាម៉េរិកមានភាពលេចធ្លោមុខមាត់នៅក្នុងតំបន់នានាដូចជា ឥណ្ឌូប៉ាស៊ីហ្វិក និង អឺរ៉ុប។ ឥណ្ឌូប៉ាស៊ីហ្វិក ដែលប្រើនៅពេលនេះគឺសម្តៅពីសមុទ្រឥណ្ឌាខាងលិចដល់ប៉ាស៊ីហ្វិកខាងកើ...
សតវត្សនៃការជម្លៀសជនជាតិចាមដោយបង្ខំ ៖ ករណីសិក្សាជនជាតិចាមនៅម៉ឡេស៊ី «ខ្ញុំចង់សង្កត់ធ្ងន់ចំពោះគុណបំណាច់របស់សម្តេច ហេង សំរិន ដែលបានសង្គ្រោះជនជាតិចាមឱ្យរស់រានមានជីវិត និង សម្តេចហ៊ុន សែន ដែលបានអភិវឌ្ឍជនជាតិ...