រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ ទី២៨ ខែកញ្ញា ឆ្នាំ២០១៨
តាមការផ្សាយរបស់សារព័ត៌មានភ្នំពេញប៉ុស្តិ៍ គឺមានអ្នកសារព័ត៌មានចំនួន ២៤នាក់មកពី ២៤ប្រទេសផ្សេងៗគ្នាក្នុងពិភពលោកដែលរួមមានទាំងកម្ពុជាផងដែរ បាននឹងកំពុងតែធ្វើការស្វែងយល់ និងទស្សនកិច្ចរាយការណ៍ព័ត៌មានជាលក្ខណៈអន្តរជាតិមួយនៅសហរដ្ឋអាម៉េរិក ស្តីពី «ការប្រយុទ្ធប្រឆាំងនឹងការផ្តល់ព័ត៌មានមិនពិត និងការផ្សព្វផ្សាយព័ត៌មានក្លែងក្លាយ»។
ទស្សនកិច្ចនេះ នឹងបង្ហាញពីការគំរាមកំហែងដ៏ធ្ងន់ធ្ងរដែលការផ្តល់ព័ត៌មានខុស ចោទជាបញ្ហាចំពោះប្រទេសប្រកាន់របបលទ្ធិប្រជាធិបតេយ្យ និងសារធារណជនមូលដ្ឋាននិងចំពោះកម្មវិធីផ្សេងៗ ដែលលើកកម្ពស់ចំណេះដឹងផ្នែកប្រព័ន្ធផ្សព្វផ្សាយ។
កម្មវិធីនេះត្រូវបានរៀបចំឡើងដោយមជ្ឈមណ្ឌលសារព័ត៌មានអន្តរជាតិ វ៉ាស៊ីនតោន (FPC) តាមរយៈស្ថានទូតរបស់ខ្លួនប្រចាំប្រទេសនីមួយៗក្រោមប្រធានបទ «ចំណេះដឹងសារព័ត៌មាន និងការប្រយុទ្ធប្រឆាំងនឹងការផ្តល់ព័ត៌មានមិនពិតនិងព័ត៌មានក្លែងក្លាយ» ដោយបានចាប់ផ្តើមពីថ្ងៃទី២៥ ខែកញ្ញា ដល់ថ្ងៃទី៦ ខែតុលា ឆ្នាំ២០១៨ នេះនៅក្នុងរដ្ឋ Washington, Philadelphia និង New York។
លោក Benjamin Weber នាយកមជ្ឈមណ្ឌលសារព័ត៌មានអន្តរជាតិវ៉ាស៊ីនតោន FPC ប្រចាំរដ្ឋ Washington និង New York នៃនាយកដ្ឋានរដ្ឋរបស់សហរដ្ឋអាម៉េរិកថា ពាក្យព័ត៌មានក្លែងក្លាយនេះ (Fake News) ត្រូវបានប្រើប្រាស់ និងឃើញមានវត្តមានជាច្រើនឆ្នាំមកហើយ គឺប្រហែលជាតាំងពីឆ្នាំ១៨៩៨ មកម៉្លេះ។
ដកស្រង់៖ ភ្នំពេញប៉ុស្តិ៍
RAC Media | ផាញ់ សារឿន
លោក Alan C. Miller ស្ថានិកនិងជាប្រធានគម្រោងចំណេះដឹងព័ត៌មាន (NLP) ផ្តល់បទសម្ភាសន៍ដល់អ្នកសារព័ត៌មាន
ថ្ងៃសុក្រ, 28 កញ្ញា 2018 ម៉ោង 03:48 PM
ថ្ងៃសុក្រ ទី២៨ ខែកញ្ញា ឆ្នាំ២០១៨
បើតាមសារព័ត៌មានCNC បានផ្សាយនាព្រឹកថ្ងៃព្រហស្បតិ៍ ទី២៧ ខែកញ្ញា ឆ្នាំ២០១៨ ឯកឧត្តមវេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឯកឧត្តម William A. Heidt ឯកអគ្គរដ្ឋទូតសហរដ្ឋអាម៉េរិកប្រចាំព្រះរាជាណាចក្រកម្ពុជា និងលោកស្រី Carin Salerno នាយកទីភ្នាក់ងារស្វីសដើម្បីការអភិវឌ្ឍនិងសហប្រតិបត្តិការ (SDC) បានអញ្ជើញជាអធិបតីក្នុងវេទិកាសន្ទនាដៃគូវិស័យសាធារណៈ និងឯកជនស្តីពីការអភិវឌ្ឍសាកវប្បកម្ម និងស្វាយចន្ទី។ ពិធីនេះបានរៀបចំប្រារព្ធធ្វើឡើងនៅសណ្ឋាគារ Raffles Le Royal Phnom Penh ដោយមានការអញ្ជើញចូលរួមពីភ្ញៀវកិត្តិយសជាតិ អន្តរជាតិ ដៃគូអភិវឌ្ឍ វិស័យឯកជន និងសហគមន៍កសិកម្ម ជាច្រើនរូប។
ឯកឧត្តមវេង សាខុន បានថ្លែងអំណរគុណជូនចំពោះវត្តមានរបស់សមាជិក សមាជិកានៃអង្គពិធីទាំងមូលនិង ថ្លែងអំណរគុណជូនចំពោះគម្រោង CAMBODIA HARVEST II របស់ទីភ្នាក់ងារសហរដ្ឋអាម៉េរិកសម្រាប់ការអភិវឌ្ឍអន្តរជាតិ (USAID) និងគម្រោងបន្លែផ្លែឈើកម្ពុជា របស់ទីភ្នាក់ស្វីសដើម្បីអភិវឌ្ឍ និងសហប្រតិបត្តិការ ដែលបានសហការយ៉ាងល្អប្រសើរក្នុងការរៀបចំវេទិកានេះឡើងដោយមានការចូលរួមពីស្ថាប័នសាធារណៈ វិស័យឯកជន អង្គភាពស្រាវជ្រាវ ផ្សព្វផ្សាយអប់រំកសិកម្ម និងដៃគូអភិវឌ្ឍន៍វិស័យឯកជន និងសហគមន៍ដើម្បីចែករំលែកបទពិសោធន៍មេរៀនល្អៗជាសក្តានុពលនៃអនុវិស័យសាកវប្បកម្មនិងដំណាំស្វាយចន្ទី និងបញ្ហាប្រឈមពាក់ព័ន្ធដើម្បីកំណត់នូវអាទិភាពនៃបញ្ហានេះ និងរិះរកវិធានការណ៍ដោះស្រាយប្រកបដោយតម្លាភាព ស័ក្តិសិទ្ធិភាព និងទាន់ពេលវេលាស្របតាមចក្ខុវិស័យនៃគោលនយោបាយលើការអភិវឌ្ឍអនុវិស័យសាកវប្បកម្ម និងស្វាយចន្ទីនៅកម្ពុជាក្នុងក្របខ័ណ្ឌកំណែទម្រង់របស់រាជរដ្ឋាភិបាល។
ឆ្លៀតក្នុងឱកាសនេះ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានថ្លែងអំណរគុណជាថ្មីម្តងទៀត ជូនចំពោះរដ្ឋាភិបាលសហរដ្ឋអាម៉េរិក តាមរយៈទីភ្នាក់ងារសហរដ្ឋអាម៉េរិកសម្រាប់ការអភិវឌ្ឍអន្តរជាតិ (USAID) ដែលបានរៀបចំគម្រោងគាំទ្រដល់វិស័យវារីវប្បកម្ម ដែលមានថវិកាសរុបប្រមាណជាង ២៣លានដុល្លារសហរដ្ឋអាម៉េរិក។
ឯកឧត្តមរដ្ឋមន្រ្តីសង្ឃឹមនិងជឿជាក់ថារដ្ឋាភិបាល សហរដ្ឋអាម៉េរិក នឹងបន្តជួយគាំទ្រដល់រាជរដ្ឋាភិបាលកម្ពុជាក្នុងការអភិវឌ្ឍប្រទេសឲ្យមានការរីកចម្រើនបន្ថែមទៀត។
ដកស្រង់៖ CNC
RAC Media | ផាញ់ សារឿន
ថ្ងៃសុក្រ, 28 កញ្ញា 2018 ម៉ោង 03:30 PM
ថ្ងៃសុក្រ ទី២៨ ខែកញ្ញា ឆ្នាំ២០១៨
មហាសន្និបាតរបស់អង្គការសហប្រជាជាតិលើកនេះនឹងប្រព្រឹត្តទៅក្រោមមូលបទ «ធ្វើឱ្យអង្គការសហប្រជាជាតិមានសារសំខាន់ពាក់ព័ន្ធជាមួយប្រជាជនទាំងអស់ ភាពជាអ្នកដឹកនាំសកលនិងការទទួលខុសត្រូវរួមសម្រាប់សង្គមប្រកបដោយសន្តិភាព សមធម៌ និងនិរន្តរភាព»។
នៅក្នុងរបៀបវារៈដ៏មានសារសំខាន់នោះសម្តេចតេជោនាយករដ្ឋមន្ត្រី នឹងធ្វើសេចក្តីថ្លែងការណ៍ផ្តោតលើការវិវឌ្ឍនាពេលថ្មីៗ និងសមិទ្ធផលសំខាន់ៗដែលរាជរដ្ឋាភិបាលកម្ពុជាសម្រេចបានទាក់ទងបញ្ហាតំបន់ និងអន្តរជាតិ ដែលជាការព្រួយបារម្ភរួម។
ក្នុងឱកាសនៃការអញ្ជើញចូលរួមក្នុងមហាសន្និបាតអង្គការសហប្រជាជាតិលើកទី៧៣ ក្នុងឆ្នាំ២០១៨ នេះ សម្តេចតេជោ នាយករដ្ឋមន្ត្រី នឹងជួបពិភាក្សាទ្វេភាគីដាច់ដោយឡែកពីគ្នាជាមួយ លោក អង់តូនីញ៉ូ ហ្គូតេរ៉េស (António Guterres)អគ្គលេខាធិការអង្គការសហប្រជាជាតិ ,លោក បូយកូ បូរីស្សូវ (Boyko Borissov) នាយករដ្ឋមន្ត្រីប៊ុលហ្គារី លោក ខាដហ្កា ប្រ៉ាសាទ ស្សាម៉ា អូលី (Khadga Prasad Sharma Oli) នាយករដ្ឋមន្ត្រីនេប៉ាល់ និងជួបពិភាក្សាដោយមិត្តភាពជាមួយប្រមុខរដ្ឋ និងរដ្ឋាភិបាលនៃប្រទេសមួយចំនួនទៀត។
ក្នុងអំឡុងពេលស្នាក់នៅបុរីញូវយ៉កនោះដែរសម្តេចតេជោនាយករដ្ឋមន្ត្រី ក៏នឹងជួបជាមួយសហគមន៍ខ្មែរដែលរស់នៅសហរដ្ឋអាម៉េរិក និងកាណាដា។
សម្តេចតេជោនាយករដ្ឋមន្ត្រីគ្រោងនឹងវិលត្រឡប់មកដល់មាតុប្រទេសវិញនៅល្ងាចថ្ងៃទី១ ខែតុលា ខាងមុខនេះ៕
ដកស្រង់៖ រស្មីកម្ពុជា
RAC Media | ផាញ់ សារឿន
ថ្ងៃសុក្រ, 28 កញ្ញា 2018 ម៉ោង 03:20 PM
ថ្ងៃសុក្រ ទី២៨ ខែកញ្ញា ឆ្នាំ២០១៨
ក្នុងឱកាសពិធីបុណ្យភ្ជុំបិណ្ឌគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលមានសម្តេចក្រឡាហោម ស ខេង ជាប្រធាន បានចេញផ្សាយនូវសេចក្តីអំពាវនាវ ស្តីពី ការបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យភ្ជុំបិណ្ឌចំនួន១០ ចំណុច។ដើម្បីបង្ការនិងទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យភ្ជុំបិណ្ឌ គណៈកម្មាធិការជាតិសុវត្ថិភាពចរាចរណ៍ផ្លូវគោក សូមធ្វើសេចក្តីអំពាវនាវចំនួន១០ចំណុចដល់សាធារណជន អ្នកប្រើប្រាស់ផ្លូវដូចខាងក្រោម៖
១-ត្រូវត្រួតពិនិត្យលក្ខណៈបច្ចេកទេសយានយន្តជានិច្ច ពិសេសត្រួតពិនិត្យកង់ ចង្កូត ហ្វ្រាំង ភ្លើងបំភ្លឺ។ល។
២-សូមកុំផ្ទុកអ្នកដំណើរ ឬទំនិញលើសច្បាប់កំណត់។ ចំពោះរថយន្តដឹកអ្នកដំណើរ ឬដឹកកម្មករ មិនត្រូវផ្ទុកអ្នកដំណើរ ឬកម្មករលើដំបូល និងសូមមេត្តាកុំដំឡើងថ្លៃធ្វើដំណើរក្នុងឱកាសនេះ។
៣-ត្រូវពាក់មួកសុវត្ថិភាពជានិច្ច ក្នុងពេលធ្វើដំណើរតាមទោចក្រយានយន្ត។
៤-ត្រូវពាក់ខ្សែក្រវ៉ាត់សុវត្ថិភាពជានិច្ច។
៥-ត្រូវគោរពសិទ្ធិអាទិភាព គោរពសញ្ញាចរាចរណ៍ និងប្រកាន់ស្តាំជានិច្ច។
៦-មិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាត។
៧-មិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាត។
៨-មិនត្រូវបត់ ឬវ៉ាជែង ក្នុងភាពប្រថុយប្រថាន ឬធ្វេសប្រហែស។
៩-មិនត្រូវបើកបរក្នុងស្ថានភាពងងុយដេកជាដាច់ខាត។
១០-ត្រូវបើកបរក្នុងស្មារតីប្រុងប្រយ័ត្នជានិច្ច ប្រកបដោយសីលធម៌យោគយល់អធ្យាស្រ័យ។
ប្រភព៖ រស្មីកម្ពុជា
RAC Media | ផាញ់ សារឿន
ថ្ងៃសុក្រ, 28 កញ្ញា 2018 ម៉ោង 03:12 PM
ថ្ងៃសុក្រ ទី២៨ ខែកញ្ញា ឆ្នាំ២០១៨
សូមជម្រាបថាវិទ្យាស្ថានទី៥ហើយដែលឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានកោះ ហៅប្រជុំភ្លាមដើម្បីតាមដាននិងត្រួតពិនិត្យការងាររបស់វិទ្យាស្ថាន។
វិទ្យាស្ថានទី៥ដែលឯកឧត្ដមបណ្ឌិតសភាចារ្យ បានកោះហៅគឺជាវិទ្យាស្ថានវិទ្យាសាស្ដ្រ និងបច្ចេកវិទ្យា។រំលឹកផងដែរ ថា វិទ្យាស្ថាននេះមានលេខាធិការដ្ឋាន១ និងមាន៥ផ្នែកគឺ ១.ផ្នែកគណិតវិទ្យានិងស្ថិតិ ២.ផ្នែកគីមីនិងចំណីអាហារ៣.ផ្នែករូបវិទ្យានិងថាមពល ៤.ផ្នែកបច្ចេកវិទ្យា ៥.ផ្នែកព័ត៌មានវិទ្យានិងទូរគមនាគមន៍
កិច្ចប្រជុំនេះឯកឧត្ដមបណ្ឌិតសភាចារ្យ បានឱ្យមន្ដ្រីនីមួយៗក្នុងវិទ្យាស្ថានបង្ហាញពីសកម្មភាពការងារស្នាដៃកន្លងមក។សម្រាប់មន្ដ្រីដែលអសកម្មភាព និងអសមត្ថភាព ត្រូវតែចេញពីរាជបណ្ឌិត្យសភាកម្ពុជា។លើសពីនេះទៅទៀតបានជម្រុញឱ្យមន្ដ្រីដែលមានសមត្ថភាពខិតខំប្រឹងប្រែងធ្វើការសម្រាប់ឋានៈនិងតួនាទីមកតាមក្រោយសូមកុំដេកលក់ ឱ្យសោះ ព្រោះយើងជាស្ថាប័នជាតិកំពូល មួយដែលជាធនាគារខួរក្បាលរបស់ជាតិ។
ថ្លែងក្នុងអង្គប្រជុំឯកឧត្ដមបណ្ឌិតសភាចារ្យ សុខ ទូចប្រធានរាជបណ្ឌិត្យសភាកម្ពុជាក៏មានប្រសាសន៍រំលឹកផងដែរថា៖
-ការតែងតាំងទីប្រឹក្សារបស់រាជបណ្ឌិត្យសភាកម្ពុជា មិនមែនយកមកធ្វើជាព្រៃព្រឹក្សារបស់រាជបណ្ឌិត្យសភាកម្ពុជាទេ គឺផ្អែកនៅលើស្នាដៃនិងសមត្ថភាពរបស់ខ្លួនដើម្បីបន្សល់ទុកនៅស្នា ដៃចុងក្រោយរបស់ខ្លួន។
-បណ្ឌិតជាអ្នកស្រាវជ្រាវ និងអ្នកមានចំណេះដឹង ត្រូវទទួលខុសមុននិងដាក់ជូនប្រជាពលរដ្ឋអនុវត្ដនិងប្រើប្រាស់
-បង្រៀនគិត គឺជាកត្ដាសំខាន់ដែលបណ្ឌិតត្រូវធ្វើសម្រាប់អ្នកជំនាន់ក្រោយជាជាងបង្រៀនយកតែលុយ
ជាលទ្ធផលនៃកិច្ចប្រជុំ ថ្ងៃទី២៨ ខែកញ្ញា ឆ្នាំ២០១៨ នេះ វិទ្យាស្ថានបច្ចេកវិទ្យាត្រូវតែពង្រឹងនូវសមត្ថភាពរបស់ខ្លួន នឹងត្រូវធ្វើកំណែទម្រង់ការងារនិងកិច្ចរដ្ឋបាលរបស់ខ្លួនដើម្បីបង្កើននូវប្រសិទ្ធភាពនិងប្រសិទ្ធផលជូនស្ថាប័ន។
RAC Media
ថ្ងៃសុក្រ, 28 កញ្ញា 2018 ម៉ោង 11:45 AM
ថ្ងៃសុក្រ ទី២៨ ខែកញ្ញា ឆ្នាំ២០១៨
ដោយមើលឃើញអំពីសក្តានុពលរបស់ខេត្តកំពត ពិសេសពាក់ព័ន្ធនឹងសំណង់ស្ថាបត្យកម្មបន្សល់ទុកពីជំនាន់សម័យអាណានិគមបារាំង ក្រសួងទេសចរណ៍បានសហការជាមួយក្រសួងវប្បធម៌ ក៏ដូចជាអាជ្ញាធរខេត្ត និងស្ថាប័នពាក់ព័ន្ធ នានាបាននឹងកំពុងខិតខំប្រឹងប្រែងចងក្រងរៀបចំបញ្ជីបេតិកភណ្ឌដើម្បីស្នើសុំទៅអង្គការយូនីស្កូចុះបញ្ជីជាក្រុង បេតិកភណ្ឌពិភពលោក។នេះបើតាមការលើកឡើងរបស់ លោក កើត ពុទ្ធវរី នាយកវិទ្យាស្ថានជាតិទេសចរណ៍ ប្រាប់អ្នកសារព័ត៌មានក្នុងពិធីបើកកិច្ចប្រជុំពិភាក្សាត្រៀមរៀបចំគោលនយោបាយទេសចរណ៍ និងកសាងឯកសារបឋម នៃក្រុងកំពតដែលត្រៀមចុះបញ្ជីបេតិកភណ្ឌពិភពលោក នៅថ្ងៃទី២៦ ខែកញ្ញា ឆ្នាំ២០១៨ នៅសាលាខេត្ត។
លោកបានបន្តថា ការចងក្រងឯកសារ ដើម្បីដាក់បញ្ចូលក្រុងកំពតចូលក្នុង បញ្ជីទីក្រុងបេតិកភណ្ឌពិភពលោកជាកិច្ចការរួមគ្នារវាងក្រសួងវប្បធម៌ និងក្រសួងទេសចរណ៍ ក៏ដូចជាអាជ្ញាធរខេត្ត និងស្ថាប័នពាក់ព័ន្ធនានាក្រុងការរៀប ចំចងក្រង ជាផែនការសកម្មភាពក្នុងការអភិរក្សតំបន់បេតិកភណ្ឌ ទាំងអស់នេះឱ្យក្លាយជាផលិតផលទេសចរណ៍មួយថ្មីរបស់ប្រទេសជាតិដើម្បីបង្ហាញឱ្យភ្ញៀវទេសចរ មកទស្សនាយល់អំពីអត្តសញ្ញាណជាតិរបស់យើង ដែលមានវ័យចំណាស់នៅក្នុងតំបន់អាស៊ី ពិសេសដើម្បីបង្កើតការងារ និងបង្កើនប្រាក់ចំណូលជូនពលរដ្ឋ ក៏ដូចជំរុញកំណើនសេដ្ឋកិច្ចជាតិស្របតាមគោលការណ៍យុទ្ធសាស្ត្រចតុកោណរបស់រាជរដ្ឋាភិបាលអាណត្តិទី៦នេះ។
នេះជាលើកទីមួយសម្រាប់ប្រទេសកម្ពុជា ក្នុងការចងក្រងឯកសារស្នើសុំចុះបញ្ជីជាក្រុងបេតិកភណ្ឌពិភពលោក។ជាមួយនេះ លោកស្នើដល់អាជ្ញធរ មន្ទីរអង្គភាពពាក់ព័ន្ធ រួមទាំងប្រជាពលរដ្ឋ ត្រូវសហការរួមគ្នាថែរក្សាអភិរក្សសំណង់បេតិកភណ្ឌទាំងអស់នោះឱ្យបានគង់វង្ស ពិសេសយើងទាំងគ្នាចូលរួមសម្អាតអនាម័យ បរិស្ថានលើកកម្ពស់សោភ័ណភាពទីក្រុងបង្កើនភាពទាក់ទាញភ្ញៀវទេសចរឱ្យបានច្រើន។អ្នកម្នាងបណ្ឌិត ស៊ីសុវត្តិ ម៉ែន ច័ន្ទទេវីនាយិកាមជ្ឈមណ្ឌលបេតិកភណ្ឌ នៃក្រសួងវប្បធម៌ និងវិចិត្រសិល្បៈ និងជាសាកលវិទ្យាធិការរងនៃសាកលវិទ្យាល័យភូមិន្ទវិចិត្រសិល្បៈ បានបញ្ជាក់ផងដែរថា កន្លងមករាជរដ្ឋាភិបាលដែលមានក្រសួង វប្បធម៌និងវិចិត្រសិល្បៈបានរៀបចំគម្រោងសិក្សាអំពីទីក្រុងបី ដើម្បីដាក់បញ្ចូលជាសម្បត្តិបេតិកភណ្ឌមានដូចជា ខេត្ត បាត់ដំបង កំពត និងក្រចេះ។
សូមបញ្ជាក់ថា បើតាមចក្ខុវិស័យព្យាករណ៍របស់ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ នៅឆ្នាំ ២០២០កម្ពុជា នឹងមានភ្ញៀវទេសចរអន្តរជាតិចំនួនប្រមាណ ៧លាននាក់ជាមួយចំណូលជាង៥ពាន់លានដុល្លារនិងបង្កើតការងារដោយផ្ទាល់ប្រមាណ១លាននាក់និងដោយប្រយោលរាប់លាននាក់ថែមទៀតផង៕
អត្ថបទទាំងស្រុងពី៖ ទីភ្នាក់ងារសារព័ត៌មានកម្ពុជា និង AKP
RAC Media | លឹម សុវណ្ណរិទ្ធ
ថ្ងៃសុក្រ, 28 កញ្ញា 2018 ម៉ោង 11:05 AM
ថ្ងៃសុក្រ ទី២៨ ឆ្នាំ២០១៨
នៅទូទាំងអាម៉េរិក ទាំងគណបក្សសាធារណរដ្ឋនិងគណបក្សប្រជាធិបតេយ្យបានធ្វើឬនឹងធ្វើការបោះឆ្នោតបឋមដើម្បីជ្រើសរើសបេក្ខជនរបស់ខ្លួនដែលនឹងត្រូវប្រកួតប្រជែងគ្នានៅក្នុងការបោះឆ្នោតសភានៅថ្ងៃទី៦ ខែវិច្ឆិកាខាងមុខនេះ។ លោកប្រធានាធិបតី ដូណាល់ ត្រាំបានធ្វើយុទ្ធនាការខ្លាំងក្លាមួយតំណាងឱ្យគណបក្សសាធារណរដ្ឋក្នុងក្ដីសង្ឃឹមដើម្បី ប្រឆាំងនឹងក្ដីរំពឹងទុកនៃការគាំទ្រដែលគណបក្សប្រជាធិបតេយ្យទទួលបាន។លោក ដូណាល់ ត្រាំបាននិយាយថា៖ «សហរដ្ឋអាម៉េរិកត្រូវបានគេគោរពឡើងវិញហើយ ហើយសហរដ្ឋអាម៉េរិកឈ្នះឡើងវិញហើយដោយសារតែយើងផ្ដល់ទិភាពឱ្យសហរដ្ឋអាម៉េរិកជាមុន»។
ខាងក្រោមនេះជាការព្យាយាមទាញសន្លឹកឆ្នោត និងការបញ្ជាក់ពីគោលនយោបាយការបរទេសរបស់លោក ដូណា់ ត្រាំ៖
១-នៅថ្ងៃទី២៦ ខែកញ្ញា ឆ្នាំ២០១៨ លោក ដូណាល់ ត្រាំ លើកឡើងបែបនេះ នៅក្នុងសន្និសីទសារព័ត៌មានមួយ ថ្ងៃ ពុធសប្ដាហ៍នេះ(ម៉ោងក្នុងទីក្រុងញូយ៉ក)។ ថ្លែងនាឱកាសនោះ ប្រធានាធិបតីអាម៉េរិករូបនេះបានគូសបញ្ជាក់យ៉ាងដូច្នេះថា «អតីតប្រធានាធិបតី លោក អូបាម៉ា ធ្លាប់ជិតឈានដល់ការបំផ្ទុះសង្រ្គាម ជាមួយកូរ៉េខាងជើងទៅហើយ។ សង្រ្គាមនេះមិនមែនត្រឹមនឹងសម្លាប់មនុស្សរាប់ពាន់នាក់នោះទេ ពោលបើវាផ្ទុះឡើង មនុស្សរាប់លាននាក់នឹងត្រូវរងការកាប់សម្លាប់ ហើយវាអាចនឹងបង្កជាសង្រ្គាមលោកថ្មីមួយក៏ថាបាន...ប៉ុន្តែសំណាងល្អដែលខ្ញុំបានជាប់ឆ្នោតជាប្រធានាធិបតីអាម៉េរិកនឹងប្រើប្រាស់ទំនាក់ទំនងជាមួយលោក គីម ជុងអ៊ុនដើម្បីទប់ស្កាត់សង្រ្គាមមិនឱ្យផ្ទុះឡើង» ។
២-លោកដូណាល់ ត្រាំ បានថ្លែងប្រាប់នៅកិច្ចប្រជុំរបស់ក្រុមប្រឹក្សាសន្តិសុខអង្គការសហប្រជាជាតិថា«ចិនបាននិងកំពុងប៉ុនប៉ងចូលជ្រៀតជ្រែកនៅក្នុងការបោះឆ្នោតឆ្នាំ២០១៨នាពេលខាងមុខរបស់យើង។ប្រឆាំងនឹងរដ្ឋាភិបាលរបស់ខ្ញុំ»។ ប៉ុន្តែភ្លាមៗប្រមុខការទូតចិន លោកវ៉ាងយី បានប្រាប់ក្រុមប្រឹក្សាថា« យើងមិនបាន ហើយក៏នឹងមិនជ្រៀតជ្រែកកិច្ចការផ្ទៃក្នុងរបស់ប្រទេសណាមួយដែរ។យើងមិនទទួលយកការចោទប្រកាន់គ្មានការទទួលខុសត្រូវប្រឆាំងចិនឡើយ»។
៣- នៅថ្ងៃមហាសន្និបាតអង្គការសហប្រជាជាតិនាថ្ងៃ ២៥ ខែកញ្ញា ដដែរប្រធានាធិបតីអាមេរិក ដូណាល់ ត្រាំ ថា សង្គ្រាមជាមួយកូរ៉េខាងជើងអាចនឹងផ្ទុះឡើង បើសិនជាខ្លួនមិនជាប់ឆ្នោតជាប្រធានាធិបតីសហរដ្ឋអាម៉េរិក។លោក ដូណាល់ ត្រាំ បានគូសបញ្ជាក់ថា រដ្ឋបាលនៃអតីតប្រធានាធិបតីអាម៉េរិកលោក បារ៉ាក់ អូបាម៉ា ជិតឈានដល់ការបំផ្ទុះសង្រ្គាមជាមួយកូរ៉េខាងជើងនៅក្នុងអាណត្តិរបស់ខ្លួន ហើយថា បើលោកមិនបានជាប់ឆ្នោតជាប្រធានាធិបតីអាម៉េរិកទេនោះ ម្ល៉េះសង្រ្គាមនេះ ផ្ទុះឡើងបាត់ទៅហើយ។
៤-ប្រធានាធិបតីអាម៉េរិក ដូណាល់ ត្រាំ បានពន្យល់ប្រាប់អង្គមហាសន្និបាតអង្គការសហប្រជាជាតិនាថ្ងៃ ២៥ ខែកញ្ញាថា«ខ្ញុំឱ្យតម្លៃលើសិទ្ធិរបស់ប្រជាជាតិនីមួយៗក្នុងសាលប្រជុំនេះក្នុងការការពារទំនៀមទម្លាប់ ជំនឿ និងប្រពៃណីរបស់ខ្លួន។អាម៉េរិកមិនទៅប្រាប់អ្នកពីរបៀបនៃការរស់នៅធ្វើការឬគោរពប្រណិប័តន៍អ្វីឡើយ។ យើងសុំមកវិញត្រឹមតែអ្នកគោរពអធិបតេយ្យរបស់យើងប៉ុណ្ណោះ»។ លោក ត្រាំក៏បានលើកឡើងជាថ្មីទៀតដែរថា គោលនយោបាយការបរទេសអាម៉េរិកគឺដើរតាមគោលគំនិត«ប្រាកដនិយមជាគោលការណ៍(Principled Realism)» ដែលផ្អែកលើលទ្ធផលនិងស្ថានភាពជាក់ស្តែង មិនមែនផ្អែកលើទ្រឹស្តីឬមនោគមន៍វិជា្ជឡើយ។ ត្រង់នេះបញ្ជាក់ថាអាមេរិកនឹងមិនបង្រៀនគេឯង ឬបង្ខំឱ្យគេឯងធ្វើតាមខ្លួនជុំវិញបញ្ហាសិទ្ធិមនុស្ស និងប្រជាធិបតេយ្យឡើយ។
ដកស្រង់៖ khmer.voanews, Fresh news, apsaracentral រស្មីកម្ពុជា និងថ្មីៗ
RAC Mediea, ផាញ់ សារឿន
ថ្ងៃសុក្រ, 28 កញ្ញា 2018 ម៉ោង 09:49 AM
ថ្ងៃសុក្រ ទី២៨ ឆ្នាំ២០១៨
បើតាមសារព័ត៌មាន ភ្នំពេញប៉ុស្តិ៍ បានផ្សាយគឺ ក្រុមហ៊ុនអាម៉េរិកជាង ១០ ក្រុមហ៊ុនដែលបានប្រមូលផ្ដុំគ្នានៅរាជធានីភ្នំពេញកំពុងសម្លឹងមើលឱកាសវិនិយោគនៅក្នុងវិស័យកសិកម្មរបស់ប្រទេសកម្ពុជា។ ចាប់ពីថ្ងៃទី២៦ ដល់ថ្ងៃទី ២៧ ខែកញ្ញា ឆ្នាំ២០១៨ សភាពាណិជ្ជកម្មអាម៉េរិកនៅកម្ពុជាក្នុងទីក្រុងភ្នំពេញដោយមានការសម្របសម្រួលជាមួយនឹងស្ថានទូតអាម៉េរិក គឺលោក William Heidt ឯកអគ្គរដ្ឋទូតអាម៉េរិកប្រចាំនៅកម្ពុជា បានឱ្យដឹងនៅក្នុងអំឡុង សន្និសីទនេះថា វាជាឱកាសដ៏ល្អមួយ និងជាពេលវេលាត្រឹមត្រូវសម្រាប់ការជួបជុំគ្នាជាមួយគណៈប្រតិភូពាណិជ្ជកម្ម ដើម្បីជួបជាមួយក្រុមហ៊ុនកសិកម្មក្នុងស្រុកដែលល្បីឈ្មោះនៅក្នុងវិស័យនេះអស់រយៈពេលជាង១០ឆ្នាំ មកហើយ។លោកបានថ្លែងថា៖ «វាជាលើកដំបូងដែលយើងរៀបចំព្រឹត្តិការណ៍ពាណិជ្ជកម្មមួយ នៅក្នុងវិស័យកសិកម្ម»។លោកបន្តថា៖ «ការងាររបស់យើង រវាងពេលនេះ និងបន្ទាប់ គឺជីកកកាយរកសក្ដានុពលកំណើនរបស់វិស័យកសិកម្ម កម្ពុជា»។ ក្រុមហ៊ុនទាំងនោះមានដូចជា៖ ក្រុមហ៊ុន Absolute Packaging ក្រុមហ៊ុន Archer Daniels Midland ក្រុមហ៊ុន Cargill ក្រុមហ៊ុន Humate USA ក្រុមហ៊ុន Hydro Thermal ក្រុមហ៊ុន John Deere ក្រុមហ៊ុន Sripipat Engineering ក្រុមហ៊ុន Syngenta និងក្រុមហ៊ុន Walmart។
សូមបញ្ជាក់ផងដែរថា នៅព្រឹកថ្ងៃទី២៧ ខែកញ្ញា ក្នុងវេទិកាសន្ទនាដៃគូវិស័យសាធារណៈ និងឯកជន ស្តីពី «ការអភិវឌ្ឍសាកវប្បកម្ម និងស្វាយចន្ទី» នាសណ្ឋាគារ Raffles Le Royal Phnom Penh អាម៉េរិកគ្រោងផ្តល់ជំនួយជាង២៣លានដុល្លាសហរដ្ឋអាម៉េរិកដើម្បីគាំទ្រវិស័យវារីវប្បកម្មនៅកម្ពុជា លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានបង្ហើបប្រាប់ថា តាមរយៈ USDA (United State Department of Agriculture) សហរដ្ឋអាម៉េរិកគ្រោងផ្តល់ជំនួយជាង២៣លានដុល្លារអាមេរិក សម្រាប់គាំទ្រវិស័យវារីវប្បកម្មនៅក្នុងប្រទេស កម្ពុជា។ លោកបន្ថែមថា គម្រោងនេះ មានរយៈពេល៥ឆ្នាំ ដែលអាចចាប់ផ្តើមដំណើរការនៅតាមបណ្តាខេត្តជាប់នឹង បឹងទន្លេសាប។នេះបើយោងតាមការផ្សាយរបស់វាយោ។
ដកស្រង់៖ ភ្នំពេញប៉ុស្តិ៍, វាយោ
RAC Media, ផាញ់ សារឿន
ថ្ងៃសុក្រ, 28 កញ្ញា 2018 ម៉ោង 09:22 AM
ភាសាមានការប្រែប្រួល តែអក្ខរាវិរុទ្ធមិនងាយប្រែប្រួលនោះទេ។ នេះជាការលើកឡើងរបស់ ឯកឧត្តមបណ្ឌិតសភាចារ្យ ព្រុំ ម៉ល់ ទីប្រឹក្សារាជរដ្ឋាភិបាល និងជាអតីតប្រធានក្រុមប្រឹក្សាជាតិភាសាខ្មែរ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ក្នុងពិធីបិទសិក្ខា- សាលាស្តីពីសៀវភៅភាសាខ្មែរ ដែលបានប្រព្រឹត្តទៅរយៈពេលមួយថ្ងៃពេញ (ថ្ងៃទី២៧ ខែកញ្ញា ឆ្នាំ២០១៨) នៅសាលសន្និសីទនៃរាជបណ្ឌិត្យសភាកម្ពុជា ដែលមានឥស្សរជនជាវាគ្មិនចំនួន០៤រូបក្នុងការធ្វើបទបង្ហាញ និងមានការបែងចែកជាក្រុមតូចៗសម្រាប់ពិភាក្សារវាងអ្នកជំនាញខាងភាសាខ្មែរមកពីស្ថាប័នពាក់ព័ន្ធ ក្នុងការស្វែងរកធាតុចូលបន្ថែមទៀត។
ថ្លែងក្នុងពិធីបិទ ឯកឧត្តមបណ្ឌិតសភាចារ្យ ព្រុំ ម៉ល់ មានប្រសាសន៍ថា សិក្ខាសាលានេះ បាន ដំណើរការល្អ ដោយមានសិក្ខាកាមចូលរួមមកពីសកលវិទ្យាល័យ ក្រសួង និងវិទ្យាល័យមួយចំនួន បាន ចូលរួមក្នុងការផ្ដល់ជាគំនិតដល់សៀវភៅភាសាខ្មែរ។ ឯកឧត្តមបណ្ឌិតសភាចារ្យបានលើកឡើងថា ភាសានីមួយៗមានធម្មជាតិនៃវេយ្យាករណ៍ តែអ្នកបកស្រាយវេយ្យាករណ៍ មានសិទ្ធិក្នុងការបកស្រាយ ពីសមាសធាតុនៃវេយ្យាករណ៍រៀងៗខ្លួន។ ភាសាមានការប្រែប្រួលតែអក្ខរាវិរុទ្ធមិនងាយប្រែប្រួលនោះទេ បើចង់កែអក្ខរាវិរុទ្ធទាល់តែឆ្លងសភាជាតិ។ អ្នកវេយ្យាករណ៍ត្រូវគិតពីវិធីបង្កើតពាក្យឱ្យបានច្រើនថែមទៀត ដើម្បីឱ្យសមស្របតាមធម្មជាតិនៃភាសានិងការប្រើប្រាស់នៅក្នុងវិស័យសង្គម។ ការកំណត់ប្រភេទនៅក្នុង វេយ្យាករណ៍ឱ្យមានភាពច្បាស់លាស់ដើម្បីងាយស្រួលដល់ការបង្រៀននៅតាមគ្រឹះស្ថានអប់រំនានា។
ឯកឧត្តមបណ្ឌិតសភាចារ្យ ព្រុំ ម៉ល់ ក៏បានលើកឡើងពីបម្រែបម្រួលនៃប្រភេទពាក្យនៅក្នុងភាសា ដោយសារតែភាសាមានការវិវត្តដូចនេះ ពាក្យ«សិក្សា, ពិចារណា,...» ដែលនៅក្នុងវចនានុក្រមជានាមសព្ទ តែសព្វថ្ងៃ គេប្រើជាកិរិយាសព្ទ ដូចជា «គេសិក្សាភាសាខ្មែរ, ខ្ញុំពិចារណា...»។ ឯកឧត្តមបណ្ឌិតសភាចារ្យ ក៏បានលើកឡើងថា ជនជាតិនីមួយៗមានសិទ្ធិក្នុងការខ្ចីពាក្យពីភាសាបរទេសមកប្រើប្រាស់ ដើម្បីប្រើប្រាស់ ក្នុងវិស័យនៃតម្រូវការសង្គម។ ឯកឧត្តមបណ្ឌិតសភាចារ្យក៏បានបង្ហាញពីក្បួននៃការបង្កើតពាក្យនៅក្នុង ភាសានីមួយៗ ជូនដល់អង្គសិក្ខាសាលាផងដែរ។ ឯកឧត្តមបណ្ឌិតសភាចារ្យបានបន្ថែមថា សៀវភៅភាសាខ្មែរ នេះ មានមូលដ្ឋានគ្រប់ជ្រុងជ្រោយអស់ហើយ នៅខ្វះខាតតែពាក្យបច្ចេកទេសមួយចំនួន ហេតុនេះ សុំឱ្យ ឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ ជួយពិនិត្យសៀវភៅភាសាខ្មែរ នេះបន្ថែម ទៀតមុននឹងបោះពុម្ពផ្សាយ។ មុននឹងប្រកាសបិទកម្មវិធីសិក្ខាសាលាឯកឧត្តមបណ្ឌិតសភាចារ្យ បានគោរព ជូនពរដល់អង្គសិក្ខាសាលាទាំងមូលជួបប្រទះនូវពុទ្ធពរទាំង៤ប្រការ និងទទួលជ័យជំនះ គ្រប់ ភារកិច្ច។
ថ្ងៃព្រហស្បតិ៍, 27 កញ្ញា 2018 ម៉ោង 01:12 AM
កូរ៉េខាងត្បូងទទូចឱ្យពិភពលោកគួរតែឆ្លើយតបដោយវិជ្ជមានចំពោះកូរ៉េខាងជើង ថ្លែងក្នុងអង្គមហាសន្និបាតក្នុងទីក្រុងញូវយ៉កសហរដ្ឋអាម៉េរិក នៅថ្ងៃទីទី២៦ ខែកញ្ញា ឆ្នាំ២០១៨ ប្រធានាធិបតីកូរ៉េខាងត្បូងលោកមូន ជែអ៊ីនបានទទូចឱ្យពិភពលោកគួរតែឆ្លើយតបជាមួយភាពវិជ្ជមានចំពោះកូរ៉េខាងជើងដើម្បីឱ្យរដ្ឋមួយនេះបន្ដដំណើរការរំលាយ នុយក្លេអ៊ែរទាំងស្រុង ហើយលោកគីម ជុងអ៊ុនមេដឹកនាំកូរ៉េខាងជើង បានសម្រេចដើរតាមជម្រើសថ្មី ដូច្នេះអន្ដរជាតិគួរតែឆ្លើយតបជាមួយឥរិយាបថវិជ្ជមាន។
ដោយឡែកគោលជំហររបស់លោកប្រធានាធិបតីកូរ៉េខាងត្បូងមូន ជែអ៊ីន ត្រូវអាម៉េរិកនិងជប៉ុនមានមតិយោបល់ឆ្លើយតបវិញដែរថា កូរ៉េខាងជើងត្រូវតែបោះបង់ចោលនុយក្លេអ៊ែរទាំង ស្រុង សិនមុនស្នើឱ្យអន្ដរជាតិដកទណ្ឌកម្ម។ នេះបើតាមការផ្សាយគេហទំព័ររបស់វាយោ។
គួរកត់សំគាល់តាមរយៈការផ្សាយរបស់Fresh news នៅថ្ងៃទី២៧ ខែកញ្ញា នេះគឺរដ្ឋមន្ត្រីការបរទេសអាមេរិកនឹងបំពេញទស្សនកិច្ចទៅកាន់កូរ៉េខាងជើងនៅខែតុលា ដើម្បីរៀបចំជំនួបកំពូលជាលើកទី២ រវាង លោក ត្រាំ និងលោក គីម ក្រោយជំនួបរវាងលោក ប៉ុមប៉េអូនិងរដ្ឋមន្រ្តីការបរទេសកូរ៉េខាងជើង លោក រី យ៉ុង ហូ ក្នុងទីក្រុងញូយ៉កនៅថ្ងៃពុធសប្ដាហ៍នេះ(ម៉ោងនៅសហរដ្ឋអាម៉េរិក)។
ក្រសួងការបរទេសអាមេរិកបានឱ្យដឹងដូច្នេះថា៖ «លោករដ្ឋមន្ត្រីការបរទេសប៉ុមប៉េអូ បានទទួលលិខិតអញ្ជើញពីលោកប្រធានគីមក្នុងការបំពេញដំណើរទស្សនកិច្ចទៅកាន់ទីក្រុងព្យុងយ៉ាងនៅខែតុលាខាងមុខនេះដើម្បីត្រួសត្រាយផ្លូវរៀបចំជំនួបកំពូលជាលើកទី២រវាងលោកប្រធានាធិបតី ដូណាល់ ត្រាំនិងលោកប្រធាន គីម»។
ដកស្រង់៖ វាយោ និង Fresh News
RAC Media, ផាញ់ សារឿន
ថ្ងៃព្រហស្បតិ៍, 27 កញ្ញា 2018 ម៉ោង 02:24 PM
សេចក្ដីជូនដំណឹង ស្តីពី"ការអញ្ជើញចូលរួមដេញថ្លៃ ការផ្គត់ផ្គង់ប្រេងឥន្ធនៈប្រចាំឆ្នាំ២០២៤ សម្រាប់ជរាជបណ្ឌិត្យសភាកម្ពុជា ចាប់ពីថ្ងៃទី១៨ មេសា ឆ្នាំ២០២៤។ *ចាប់ទទួលលក់ពាក្យដេញថ្លៃពីថ្ងៃនេះតទៅ រហូតដល់ថ្ងៃទី១៨ ខែមេសា ឆ្នាំ២០២៤ វេលាម៉ោង ១០.៣០នាទីព្រឹក។ ទូរសព្ទទំនាក់ទំនង : ០២៣ ៨៩០ ១៨០។
ថ្ងៃចន្ទ, 08 មេសា 2024 ម៉ោង 02:35 PM
សេចក្ដីជូនដំណឹង ស្តីពីការ ចូលរួមដេញថ្លៃ ផ្គត់ផ្គង់សម្ភារៈអេឡិចត្រូនិកសម្រាប់រាជបណ្ឌិត្យសភាកម្ពុជា ចាប់ពីថ្ងៃទី៥ មិថុនា ឆ្នាំ២០២៣។ *កាលបរិច្ឆេទឈប់ទទួលពាក្យដេញថ្លៃ៖ ថ្ងៃទី៣០ ខែមិថុនា ឆ្នាំ២០២៣ វេលាម៉ោង ១០.៣០នាទីព្រឹក។ ទូរសព្ទទំនាក់ទំនង : 012 78 36 46។
ថ្ងៃសុក្រ, 02 មិថុនា 2023 ម៉ោង 09:21 PM
វគ្គសិក្សាថ្មី សម្រាប់ឆ្នាំសិក្សាថ្មី ឆ្នាំ២០២២-២០២៣ ! សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅរាជបណ្ឌិត្យសភាកម្ពុជា ចាប់ផ្តើមទទួលចុះឈ្មោះហើយ.... ព័ត៌មានលម្អិត សូមទាក់ទងមជ្ឈមណ្ឌលបណ្តុះបណ្តាលនិងស្រាវជ្រាវនៃរាជបណ្ឌិត្យសភាកម្ពុជា (អគារឥន្រ្ទទេវី) ឬតាមរយៈទូរសព្ទ៖ 067-811-667 / 010-268-797 / 099-238-677 / 097 728 4444
ថ្ងៃចន្ទ, 22 សីហា 2022 ម៉ោង 03:11 PM
