រាជបណ្ឌិត្យសភាកម្ពុជា

ទូកង«កម្ពោជិកបុត្តាខេមរាតរី»

ចុះផ្សាយថ្ងៃអាទិត្យ ទី១៨ ខែវិច្ឆិកា ឆ្នាំ២០១៨ ម៉ោង ១ និង ២០ នាទីរសៀល

ដោយ៖ បណ្ឌិត ជា វណ្ណី

​

  ថ្ងៃអាទិត្យ, 18 វិច្ឆិកា 2018 ម៉ោង 01:23 PM

«តើគួរខ្លាចជនជាតិចិនដែរឬទេ?...»

ចុះថ្ងៃ សៅរ៍ ទី១៧ ខែវិច្ឆិកា ឆ្នាំ២០១៨ ម៉ោង ១ និង ០០នាទីរសៀល

បទវិភាគផ្ទាល់ខ្លួន!

RAC Media

  ថ្ងៃសៅរ៍, 17 វិច្ឆិកា 2018 ម៉ោង 01:07 PM

«លទ្ធផលនៃការអញ្ជើញចូលរួមរបស់សម្តេចអគ្គមហាសេនាបតីតេជោ ហ៊ុន សែន ក្នុងកិច្ចប្រជុំកំពូលអាស៊ានលើកទី៣៣ និងកិច្ចប្រជុំកំពូលពាក់ព័ន្ធ...»

ប្រភព៖ ក្រសួងការបរទេស

  ថ្ងៃសៅរ៍, 17 វិច្ឆិកា 2018 ម៉ោង 12:30 PM

«កិច្ចប្រជុំ ប្រចាំខែរបស់ថ្នាក់ដឹកនាំ មន្ត្រី​វិទ្យាស្ថានវប្បធម៌ និងវិចិត្រសិល្បៈ...»

នាព្រឹកថ្ងៃសុក្រ ៩កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៦ ខែវិច្ឆិកា ឆ្នាំ២០១៨ វេលាម៉ោង៩:០០ នៅសាលប្រជុំវិទ្យាស្ថានវប្បធម៌និងវិចិត្រសិល្បៈ នៃរាជបណ្ឌិត្យសភាកម្ពុជា មានកិច្ចប្រជុំប្រចាំខែ ដឹកនាំដោយឯកឧត្តមបណ្ឌិត នូ ចាន់សុភី ប្រធានវិទ្យាស្ថានវប្បធម៌ និងវិចិត្រសិល្បៈ និងមានការចូលរួមពី អនុប្រធានវិទ្យាស្ថាន លេខាអចិន្រ្តៃយ៏ ប្រធាន និងអនុប្រធានផ្នែក និងមន្ត្រីវិទ្យាស្ថានសរុបចំនួន១១នាក់។

របៀបវារៈ និងខ្លឹមសារនៃកិច្ចប្រជុំផ្តោតលើ៖ 

១. ពិនិត្យលើលទ្ធផលការងារប្រចាំខែរួមមាន៖ ក-ការរៀបចំរបាយការណ៏ ស្តីពី «លទ្ធផលការងារឆ្នាំ២០១៨ និងទិសដៅការងារឆ្នាំ២០១៩» សម្រាប់ដាក់ចូលក្នុងសន្និបាតនាពេលខាងមុខ លើចំណុចការងាររដ្ឋបាលនិងបុគ្គលិក ការស្រាវជ្រាវប្រចាំឆ្នាំ ការផ្សព្វផ្សាយតាមប្រព័ន្ធនានាមាន RAC Media ជាដើម ការសហការជាមួយដៃគូរនានាសមិទ្ធផលដែលសម្រេចបាន បញ្ហាប្រឈម និងដំណោះស្រាយ និងការលើកទិសដៅការងារឆ្នាំ២០១៩ និង ខ-ការ រៀបចំកែសម្រួលរចនាសម្ព័ន្ធថ្មី និងដំណើរប្រព្រឹត្តទៅរបស់វិទ្យាស្ថានវប្បធម៌ និងវិចិត្រសិល្បៈ។

២.ការចូលរួមតាំងពិពណ៌សមិទ្ធផលនានារបស់វិទ្យាស្ថានជាមួយរាជបណ្ឌិត្យសភាកម្ពុជា នៅវិមានជ័យជំនះ នាចុងខែធ្នូ ឆ្នាំ២០១៨។

៣.ការរៀបចំគម្រោងស្រាវជ្រាវសម្រាប់ឆ្នាំ២០១៩ ស្តីពី «ចម្លាក់អប្សរានៅប្រាសាទអង្គរវត្តៈ សិល្បៈតែងលម្អ សក់ និងការរចនាសំពត»។

៤. ផ្សេងៗ។ 

ប្រភព៖  ហឿង សុធារស់ ប្រធានផ្នែកបុរាណវិទ្យា នៃវិទ្យាស្ថានវប្បធម៌ និងវិចិត្រសិល្បៈ។

RAC Media



  ថ្ងៃសុក្រ, 16 វិច្ឆិកា 2018 ម៉ោង 04:14 PM

«ភាពសុខដុមរមនានៃក្រុមជនជាតិភាគតិចចិននៅកម្ពុជា»

ចុះផ្សាយថ្ងៃព្រហស្បតិ៍ ទី១៥ ខែវិច្ឆិកា ឆ្នាំ២០១៨

ដោយ៖ ហៀង លាងហុង ប្រធានផ្នែកវប្បធម៌វិទ្យា វិទ្យាស្ថានវប្បធម៌និងវិចិត្រសិល្បៈនៃរាជបណ្ឌិត្យសភាកម្ពុជា។

RAC Media



  ថ្ងៃព្រហស្បតិ៍, 15 វិច្ឆិកា 2018 ម៉ោង 11:57 PM

«កិច្ចប្រជុំវិសាមញ្ញរបស់វិទ្យាស្ថានវប្បធម៌ និងវិចិត្រសិល្បៈ...»

នៅរសៀលថ្ងៃព្រហស្បតិ៍ ៨កើត ខែកត្តិក ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៨ នាសាលប្រជុំនៃវិទ្យាស្ថានវប្បធម៌ និងវិចិត្រសិល្បៈ នៃរាជបណ្ឌិត្យសភាកម្ពុជា ក្រោមអធិបតីភាពរបស់ឯកឧត្តមបណ្ឌិត នូ ចាន់សុភី ប្រធានវិទ្យាស្ថានវប្បធម៌ និងវិចិត្រសិល្បៈ មានការចូលរួមពីថ្នាក់ដឹកនាំ ជាអនុប្រធានវិទ្យាស្ថាន លេខាអចិន្រ្តៃ ព្រមទាំងប្រធានផ្នែកនីមួយៗរបស់វិទ្យាស្ថាន បានបើកកិច្ចប្រជុំវិសាមញ្ញមួយដែលរបៀបវារៈបាន ផ្តោតការពិភាក្សាលើចំនុនសំខាន់ស្តីពី៖

១.ពិភាក្សាលំអិតលើរបាយការណ៏ស្តីពី «លទ្ធផលការងារឆ្នាំ២០១៨ និងទិសដៅការងារឆ្នាំ២០១៩»។ ចំនុចនៃការពិភាក្សាបានផ្តោតទៅលើ៖ការងាររដ្ឋបាល​ និងបុគ្គលិក លទ្ធផលស្រាវជ្រាវប្រចាំឆ្នាំ ការផ្សព្វផ្សាយព័ត៌មានតាមប្រព័ន្ធនានា ព័តមានរាជបណ្ឌិត្យសភាកម្ពុជា (RAC Media)ជាដើម។ ក្រៅពីនោះថ្នាក់ដឹកនាំវិទ្យាស្ថានក៏បានលើយកមកពិភាក្សាទាក់ទងនឹងកិច្ចសហការជាមួយដៃគូរនានា សមិទ្ធផលដែលសម្រេចបាន បញ្ហាប្រឈម និងដំណោះស្រាយ ព្រមទាំងការលើកទិសដៅការងារសម្រាប់ឆ្នាំ២០១៩។

២.ពិភាក្សាស្វែងរកវិធីសាស្ត្រ ក៏ដូចជាលទ្ធភាពផ្សេងៗដើម្បីសិក្សាគម្រោងស្រាវជ្រាវនាឆ្នាំ២០១៩ឱ្យទទួលបានជោគជ័យ។

ប្រភព៖ វិទ្យាស្ថានវប្បធម៌ និងវិចិត្រសិល្បៈនៃរាជបណ្ឌិត្យសភាកម្ពុជា។

RAC Media

  ថ្ងៃព្រហស្បតិ៍, 15 វិច្ឆិកា 2018 ម៉ោង 11:15 PM

«បច្ចេកសព្ទគណៈកម្មការគីមីវិទ្យា និងរូបវិទ្យាចំនួន១៦ ពាក្យត្រូវបានអនុម័ត»

កាលពីថ្ងៃ ពុធ ៧កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបន្តប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និងរូបវិទ្យា បានចំនួន១៦ពាក្យ ដូចខាងក្រោម៖

  ថ្ងៃព្រហស្បតិ៍, 15 វិច្ឆិកា 2018 ម៉ោង 03:29 PM

សន្និសីទតំបន់ ស្តីពី «ទំនាក់ទំនងនៅឧបទ្វីបកូរ៉េក្នុង ឆ្នាំ២០១៨ និងពេលខាងមុខ ៖ តថភាពនិងបញ្ហាប្រឈមថ្មី»

ថ្ងៃពុធ ៧កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ លោក អ៊ុច លាង មន្ត្រីវិទ្យាស្ថានទំនាក់ទំនងអន្តរជាតិកម្ពុជា ទទួលបន្ទុកសិក្សាអាស៊ីនិងអាហ្វ្រិក និងលោក ឡុង ម៉េងហ៊ាងមន្ត្រីស្ម័គ្រចិត្ត តំណាង ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា ចូលរួមសន្និសីទ តំបន់ស្តីពី «ទំនាក់ទំនងនៅឧបទ្វីបកូរ៉េក្នុង ឆ្នាំ២០១៨ និងពេលខាងមុខ ៖ តថភាព និង បញ្ហា ប្រឈមថ្មី (Inter-Korean Relations in 2018 and Beyond: New Realities, New Challenges) » តាមការអញ្ជើញ របស់វិទ្យាស្ថានខ្មែរ សំរាប់សហប្រតិ បត្តិការ និងសន្តិភាព (Cambodia Institute for Cooperation and Peace-CICP)។

សន្និសីទនេះមានគោលបំណង កំណត់ចម្លើយចំពោះសំណួរជាច្រើន ស្តីអំពីថាតើទំនាក់ទំនង ឧបទ្វីប កូរ៉េនឹងការអភិវឌ្ឈក្នុងរយៈពេលខ្លី និងមធ្យមនឹងទៅជាយ៉ាងណា ហើយថាតើ ការផ្លាស់ប្តូរទំនាក់ទំនងរវាងរដ្ឋទាំងពីរ នឹងមាន ផលប៉ះពាល់ដល់ផ្នែក នយោបាយក្នុងតំបន់ និងពិភពលោកដែរឬទេ?

សន្និសីទតំបន់នេះផ្តោតទៅលើប្រធានបទសំខាន់ៗចំនួន៤គឺ៖

១. ការវាយតំលៃដំណើរការសន្តិភាពលើឧបទ្វីបកូរ៉េ៖ ការពិតបច្ចុប្បន្ន និងបញ្ហាប្រឈមនាពេលអនាគត

២. ការរំសាយអាវុធនុយក្លេអ៊ែរ និងការកសាងសន្តិភាព

៣. ផលប៉ះពាល់ផ្នែកសេដ្ឋកិច្ចក្នុងតំបន់ខាងអាស៊ីខាងជើង និងអាស៊ីអាគ្នេយ៍

៤. អ្នកណាខ្លះជាពហុភាគីនិយម

ដើម្បីបញ្ចប់សង្គ្រាមនៅឧបទ្វីបកូរ៉េបានត្រូវ៖

- ដោះស្រាយដោយទ្វេភាគី

- ផ្តល់ទំនុកចិត្តដល់ គឹម ជុងអ៊ុនឱ្យមានជំនឿចិត្តថានឹងមានសុវត្ថិភាពក្រោយពេលបញ្ចប់កម្មវិធីនុយគ្លេអ៊ែររបស់ខ្លួន។

ប្រភព៖ អ៊ុច លាង មន្ត្រីវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

  ថ្ងៃពុធ, 14 វិច្ឆិកា 2018 ម៉ោង 04:07 PM

«បច្ចេកសព្ទគណៈកម្មការអក្សរសិល្ប៍ ចំនួន០៧ ពាក្យ ត្រូវបានអនុម័ត...»

ថ្ងៃអង្គារ ៦កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តម សូ មុយឃៀង បានបន្តប្រជុំ ពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្ប៍ បានចំនួន០៧ពាក្យ ដូចខាងក្រោម៖

​

​

  ថ្ងៃពុធ, 14 វិច្ឆិកា 2018 ម៉ោង 03:40 PM

«ការដាក់ឱ្យដំណើរការកម្មវិធីសិក្សាពីគោលនយោបាយបរិស្ថានតាមប្រព័ន្ធអនឡាញនៅកម្ពុជាឆ្នាំ២០១៨»

វិទ្យាស្ថានបរិស្ថានកូរ៉េ (KEI) បានផ្តួចផ្តើមកម្មវិធីសិក្សាគោលនយោបាយអនឡាញ​ដោយ​សហការ​ដំណើរ​ការ​ជាមួយ​រាជបណ្ឌិត្យសភាកម្ពុជា។ ការសិក្សាកម្មវិធីនយោបាយអនឡាញនេះ នឹងដំណើរការដោយពីរភាសាគឺមាន​វគ្គ​​ជា​​ភាសា​​ខ្មែរ (២វគ្គ) និងវគ្គជាភាសាអង់គ្លេស (៣វគ្គ) ហើយអ្នកសិក្សា អាចចុះឈ្មោះចូលរៀន​អន​ឡាញ និង​ត្រូវ​ឆ្លង​កាត់​​ការប្រឡងសាកល្បងសមត្ថភាពនៅពេលបញ្ចប់មេរៀននីមួយៗ។ អ្នកដែលទទួលបានលទ្ធផលល្អ នឹង​ទទួល​បាន​វិញ្ញាបនបត្រ​បញ្ជាក់ការសិក្សាចេញដោយរាជបណ្ឌិត្យសភាកម្ពុជា និងវិទ្យាស្ថានបរិស្ថានកូរ៉េ។

វគ្គសិក្សាពីគោលនយោបាយបរិស្ថានតាមប្រព័ន្ធអនឡាញ ជាភាសាខ្មែរ៖

១- វគ្គសិក្សា «គ្រោះធម្មជាតិ និងការវាយតម្លៃផលប៉ះពាល់បរិស្ថាន (Natural Disaster and Environmental Impact Assessment)»

២- វគ្គសិក្សា «ការគ្រប់គ្រងឧទ្យាន និងតំបន់ការពារ (National Park and Protected Area Management)»

វគ្គសិក្សាជាភាសាអង់គ្លេស មានចំនួន៣វគ្គ៖

១- Case studies on Environmental Management Policies

២- Wastewater Management in Urban and Industrial Areas

៣- Planning for Adaptation to Climate Change in Developing Countries

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា មានប្រសាសន៍ ការបង្កើតវគ្គសិក្សា ពីគោល​នយោបាយ​បរិស្ថាន​តាម​ប្រព័ន្ធ​​អនឡាញនៅកម្ពុជានេះ ត្រូវនឹងស្ថានការណ៍ជាក់ស្តែងរបស់ជាតិ និងពិភពលោក។ បញ្ហាបរិស្ថាន មានសារៈសំខាន់​នៃសម្រាប់​ការ​រស់នៅរបស់មនុស្សជាតិ សត្វ រុក្ខជាតិនានានៅលើពិភពលោក​ទាំង​មូល​។ វិទ្យាសាស្ត្រ បាននាំមនុស្ស​ទៅដល់ភពផ្សេងៗក្នុងប្រព័ន្ធសូឡា ហើយអ្វីដែលគួរកត់សំគាល់​គឺភព​ដែល​មាន​ពណ៌​បៃតង និងអាចរស់នៅបាន​គឺមានតែផែនដីមួយនេះ ដូច្នេះការគិតគូរបរិស្ថានផែនដី ជារឿងចាំបាច់។ ឯកឧត្តម​បណ្ឌិតសភាចារ្យ សុខ ទូច បានបញ្ជាក់បន្ថែមថា រាជបណ្ឌិត្យសភាកម្ពុជា កំពុងយកចិត្តទុកដាក់ខ្លាំងក្នុង​ការ​រួម​ចំណែក​​ថែ​រក្សា​នូវសម្បត្តិ​ធម្មជាតិ ពិសេស​នៅក្នុងតំបន់ឧទ្យាន​​រាជបណ្ឌិត្យសភាកម្ពុជា​តេជោសែន​ឫស្សីត្រឹប​ដែល​កំពុង​ស្ថិតដំណាក់កាល​រៀបចំ រក្សាការពារ និងគ្រប់គ្រង​ផ្ទាល់ដោយរាជបណ្ឌិត្យសភាកម្ពុជាផ្ទាល់។ សម្រាប់​ថ្ងៃ​អនាគត រាជបណ្ឌិត្យសភា​កម្ពុជា នឹងប្រែក្លាយតំបន់​ឧទ្យានជាតំបន់សិក្សាស្រាវជ្រាវសម្រាប់អ្នកស្រឡាញ់បរិស្ថាន តំបន់អភិរក្ស​សត្វព្រៃ និង​សត្វ​ដែលកំពុង​រង​គ្រោះ និងជិតផុតពូជ។ តំបន់នេះ​ឫស្សីត្រឹបនេះ មានសក្តានុពល​សម្រាប់​ភ្ញៀវ​ទេសចរណ៍ ដូចនេះឧទ្យានឫស្សីត្រឹប នឹងរៀបចំទៅ​ជា​តំបន់ទេសចរណ៍ធម្មជាតិ តំបន់ទេសចរណ៍វប្បធម៌ ទេសចរណ៍សិប្បនិមិត្ត និងទេសចរណ៍ផលិតផល។

ឆ្លៀតក្នុងឱកាសនេះដែរ ឯកឧត្តមបណ្ឌិតសភាចារ្យ បានផ្តាំផ្ញើទៅអាជ្ញាធរ ប្រជាពលរដ្ឋ និងស្ថាប័នពាក់ព័ន្ធនៅខេត្ត​ព្រះវិហារ ពិសេសស្រុកឆែប សូមជួយការពារសម្បត្តិធម្មជាតិដែលមាននៅក្នុងតំបន់នេះស្រាប់។ ឯកឧត្តមបណ្ឌិត​សភាចារ្យ បានបង្ហាញភាពសោកស្តាយដែលព្រៃឈើជាច្រើនហិកតា ត្រូវកាប់បំផ្លាញ។ ដើម​ឈើដែលមានទំហំធំ​មនុស្ស​៤-៥នាក់ឱបជុំនៅក្នុងឧទ្យានឫស្សីត្រឹប ទើបនឹងត្រូវលួចកាប់រំលំ កាលពីជិតមួយខែមុននេះ។ កន្លងមក ប្រជា​ពលរដ្ឋ​មួយចំនួន ត្រូវចាញ់បោកបញ្ឆោតរបស់គេឱ្យទៅកាប់រានព្រៃក្នុងឧទ្យាន ជាថ្នូរនឹងគោលការណ៍​ដោះ​ស្រាយ​។ការរក្សាបាននូវសម្បត្តិធម្មជាតិ និងសត្វព្រៃ នឹងជួយបង្កើនការទាក់ទាញភ្ញៀវទេសចរទៅទស្សនា ហើយប្រាក់​ចំណូល​ពីទេសចរណ៍នេះ មួយចំណែក​នឹងបានទៅដល់ប្រជាពលរដ្ឋ​ដែលចូលរួម​ក្នុងការ​បម្រើការ​ក្នុង​សេវាកម្ម​ផ្សេងៗ​ដែលមានក្នុងឧទ្យាន។ កាប់ឈើមួយដើម មានតម្លៃបានត្រឹមអុសដុត ឬជាបន្ទះក្តារសម្រាប់ធ្វើសម្ភារៈផ្សេងៗ​ តែការរក្សាទុកដើមឈើ នឹងជួយទាក់ទាញចំណាប់អារម្មណ៍អ្នកស្រឡាញ់ធម្មជាតិឱ្យមក។ ប្រភពចំណូល​ពី​ទេសចរណ៍​នេះ នឹងមានបន្សល់ទុកតកូនចៅ 

សូមបញ្ជាក់ថា កម្មវិធីសិក្សាពីគោលនយោបាយបរិស្ថានតាមប្រព័ន្ធអនឡាញនេះ ជាកម្មវិធីសហការគ្នារវាង​រាជ​បណ្ឌិត្យ​សភាកម្ពុជា ជាមួយនឹងវិទ្យាស្ថានបរិស្ថានកូរ៉េ ហើយកម្មវិធីនេះ នឹងចាប់ដំណើរការក្នុងគោលបំណង​ផ្តល់​នូវ​ការ​អប់រំ ជំនាញវិជ្ជាជីវៈបរិស្ថាន ដល់អ្នកបង្កើតគោលនយោបាយ សិស្ស និស្សិត អ្នកស្រាវជ្រាវ និង​ប្រតិបត្តិ​ក្នុង​វិស័យបរិស្ថាន។

ការចុះឈ្មោះ៖ ក្នុងគេហទំព័រ edu.kei.re.kr ចាប់ពីថ្ងៃទី១៤ ខែវិច្ឆិកានេះតទៅ រយៈពេលដំណើរការកម្មវិធី៖ ផ្តើមពីថ្ងៃទី១៩ ខែវិច្ឆិកា ដល់ថ្ងៃទី១០ ខែធ្នូ ឆ្នាំ២០១៨។

ព័ត៌មានបន្ថែម៖ លោកអ្នកអាច «Like» Page: «EPEP in Cabodia» ដើម្បីទទួលព័ត៌មានអំពីកម្មវិធីសិក្សា ឬទាក់ទងតាម លេខទូរសព្ទ 093 785 609។

RAC Media

  ថ្ងៃពុធ, 14 វិច្ឆិកា 2018 ម៉ោង 11:32 AM