រាជបណ្ឌិត្យសភាកម្ពុជា

«ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប មានស្ថានីយឡស្លដែក និងមនុស្សរស់នៅតាំងពីយុគថ្មរំលីង ២០០០ឆ្នាំមុនគ្រិស្តសករាជ...?»

នៅឆ្នាំ២០១៧ ក្រុមការងារផ្នែកបុរាណវិទ្យា ដឹកនាំដោយលោក ផុន កសិកា និងអ្នកជំនាញបុរាណវិទ្យាជាច្រើននៃវិទ្យាស្ថានវប្បធម៌ និងវិចិត្រសិល្បៈ ដែលជាស្ថាប័នចំណុះនៃរាជបណ្ឌិត្យសភាកម្ពុជា បានចុះធ្វើការសិក្សាស្រាវជ្រាវស្តីពី «មរតកវប្បធម៌រូបី និងអរូបី នៅតំបន់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» មានទីតាំងស្ថិតក្នុងឃុំឆែប១ និងឃុំឆែប២ ស្រុកឆែបខេត្តព្រះវិហារស្ថិតនៅភាគខាងជើងនៃប្រទេសកម្ពុជាមានក្រឡាផ្ទៃចំនួន ១១៤៣៥ហិចតា។

ដោយមានការចូលរួមពីមន្ត្រីឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ផងនោះ ការស្រាវជ្រាវបានរុករក និងរកឃើញស្ថានីយបុរាណដែលជាមរតកវប្បធម៌រូបីជាច្រើន មានទួលសន្លុង (ទួលឡស្លដែក)ត្រពាំងសន្លុង (ត្រពាំងតូចៗដែលគេជីកនៅជាប់ទួលសន្លុង) ត្រពាំង និងបុរាណវត្ថុជាច្រើនមានដូចជា កុលាលភាជន៍ ត្រឡែកតូច ត្រឡែកធំ និងឧបករណ៍ផលិតពីដែក មានផ្លែចបជីក ផ្លែដឹង ចង្កំដងកាំបិត ដងកាំបិត និងដែកគោលជាដើម។

នៅឆ្នាំ២០១៨មន្ត្រីស្រាវជ្រាវនៃវិទ្យាស្ថានវប្បធម៌និងវិចិត្រសិល្បៈនៅធ្វើការសិក្សាបន្ដ។ ស្ថានីយបុរាណ និងវត្ថុបុរាណបន្ថែមមួយចំនួនទៀតក៏ត្រូវបានរកឃើញ មានដូចជា៖ ទួលសន្លុង (ទួលឡស្លដែក) បណ្តុំទួលសន្លុងរួមទាំងបុរាណវត្ថុមួយចំនួន មានកុលាលភាជន៍ ត្រឡែកតូច ត្រឡែកធំ ដុំថ្មភក់ប្រើក្នុងការស្មិតដែក ផ្លែចបជីក ផ្លែដឹង ចង្កំដង កាំបិត ដងកាំបិត និង ដែកគោលជាដើម និងឧបករណ៍ថ្មរំលីង ដែលគេគិតថាមនុស្សក្នុងសម័យបុរេប្រវត្តិ ផលិត និង យកមកប្រើសម្រាប់ធ្វើកសិកម្ម ដាំដំណាំ កាប់ព្រៃឈើជាដើម។​ ផ្អែកតាមការកំណត់កាលបរិច្ឆេទរបស់លោក ឆាល ហាយហេម (Charles F. W. Higham) ឧបករណ៍ថ្មរំលីងដែលស្ថិតក្នុងយុគថ្មរំលីង ឬសម័យថ្មរំលីង មានអាយុកាលប្រហែលចាប់ពីរវាងឆ្នាំ៨០០០-៦០០០មុនគ្រិស្តសករាជ ប៉ុន្តែនៅតំបន់អាស៊ីអាគ្នេយ៍វិញ ការកំណត់អាយុកាលយុគ ថ្មរំលីង ចាប់ពី២៥០០-២០០០ឆ្នាំមុនគ្រិស្តសករាជ។លោក Charles F. W. Higham ក៏បានសន្និដ្ឋានដែរថា ការធ្វើកសិកម្មស្រូវដំបូងៗ បានកើតឡើងនៅតំបន់ជ្រលងទន្លេយ៉ាងហ្ស៊ី (Yangzi) និងជ្រលងទន្លេលឿង (Yellow River) ហើយបានបន្តមកតំបន់អាស៊ីអាគ្នេយ៍នៅ៣០០០ឆ្នាំមុនគ្រិស្តសករាជ ដែលស្ថិតក្នុងយុគថ្មរំលីង។រីឯនៅប្រទេស កម្ពុជាវិញ យុគថ្មរំលីងមានអាយុប្រហែល២០០០ឆ្នាំមុនគ្រិស្តសករាជ។

បើយើងមើលពីទីតាំងផ្សេងៗនៅក្បែរឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹបវិញ ដូចជានៅភូមិសង្កែ ដែលស្ថិតនៅក្បែរតំបន់នោះ ត្រូវបានអ្នកស្រាវជ្រាវជនជាតិបារាំង មានលោក អេតម៉ុង សូរាំង នៅឆ្នាំ១៩៦៣ បាន រកឃើញភស្តុតាងទីតាំងរស់នៅដំបូងៗ ដែលជាស្ថានីយស្ថិតក្នុងយុគគ្រួសបំបែក ដោយលោកបានដាក់ឈ្មោះថា “ស្ថានីយឆែប” ហើយសព្វថ្ងៃស្ថិតនៅក្នុងភូមិសង្កែ ឃុំឆែប១ ស្រុកឆែប ខេត្តព្រះវិហារ ដែលមានចម្ងាយប្រមាណជាង ១០គីឡូម៉ែត្រ ពីស្ថានីយឡស្លដែកនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។

ទីតាំងផ្សេងទៀតដែលស្ថិតនៅក្បែរនោះគឺ“ស្ថានីយម្លូព្រៃ” សព្វថ្ងៃស្ថិតនៅក្នុងភូមិម្លូព្រៃ ឃុំម្លូព្រៃ ស្រុកឆែប ខេត្តព្រះវិហារ ក៏បន្សល់ភស្ដុតាងនៃការតាំងទីលំនៅរបស់មនុស្សក្នុងសម័យបុរេប្រវត្តិសាស្រ្ត ក្នុងយុគថ្មរំលីង ដែលធ្លាប់បានស្រាវជ្រាវដោយលោក ប៉ូល ឡេវី ក្នុងឆ្នាំ១៩៤៣។ ក្រៅពីនោះនៅមានស្ថានីយបុរេប្រវត្តិសាស្រ្ត ដែលគេកំណត់កាលបរិច្ឆេទក្នុងយុគថ្មរំលីងដែលស្ថិតនៅក្នុងស្រុកឆែប ខេត្តព្រះវិហារ ដូចជាស្ថានីយល្អាងស្ពាន ស្ថានីយសំរោង សែន ស្ថានីយក្រែក ជាដើម។ 

ចំណែកឯលទ្ធផលស្រាវជ្រាវកន្លងមក មានភស្តុតាងនៃការរស់នៅរបស់មនុស្សនៅស្ថានីយឡស្លដែកនៅឧទ្យានរាជ បណ្ឌិត្យសភាកម្ពុជា តេជោសែន ឫស្សីត្រឹប អាចកំណត់បានតែក្នុងយុគថ្មរំលីងប៉ុណ្ណោះ ដោយមិនឃើញមានភស្ដុ តាងបុរាណវត្ថុវិទ្យាបង្ហាញថាមនុស្សយុគក្រោយៗមកទៀត ដូចជាយុគសំរឹទ្ធ យុគដែក មកតាំងទីលំនៅក្នុងឧទ្យាននេះឡើយ។ហើយភស្តុតាងនៃការរស់នៅរបស់មនុស្សបាត់ដានដ៏វែងឆ្ងាយរហូតដល់ពេលមួយដែលតំបន់នេះ (បច្ចុប្បន្នតំបន់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប) ចាប់ផ្ដើមមានការមកតាំងទីលំនៅឡើងវិញ ហើយប្រែក្លាយជាតំបន់ផលិតដែកធំមួយក្នុងសម័យអង្គរ (ចាប់ពីសតវត្សទី១១ ដល់សតវត្សទី១៣) ក្នុងចំណោមតំបន់ផលិតដែកផេ្សងៗទៀតដូចជានៅតំបន់ភ្នំដែក ស្រុករវៀង និងតំបន់ប្រាសាទព្រះខ័នកំពង់ស្វាយ ស្រុកកំពង់ស្វាយ ខេត្តព្រះវិហារ។

ប្រភព៖ ផ្នែកបុរាណវិទ្យានៃវិទ្យាស្ថានវប្បធម៌ និងវិចិត្រសិល្បៈ

RAC Media

  ថ្ងៃពុធ, 17 តុលា 2018 ម៉ោង 11:29 AM

សម្ដេចតេជោ៖ «...មមារញឹកស្ទើរតែរកពេលបាយមិនឃើញ តែខ្ញុំពេញចិត្តនឹងធ្វើកិច្ចការងារនេះ ព្រោះជាប្រយោជន៍ជាតិយើង»

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា នឹងអញ្ជើញដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា ដើម្បីចូលរួមកិច្ចប្រជុំអាស៊ីអឺរ៉ុប (ASEM) លើកទី១២​ដោយសម្ដេចនិងគណៈប្រតិភូនឹងអញ្ជើញចាកចេញពីព្រះរាជាណាចក្រកម្ពុជា នៅយប់ថ្ងៃទី១៦ ខែតុលា ឆ្នាំ២០១៨ វេលាម៉ោង ១២:២០ នាទីយប់រំលងអាធ្រាតឈានចូលថ្ងៃទី១៧ ខែតុលា ឆ្នាំ២០១៨នេះ។ នេះបើយោងតាមការប្រកាស ឱ្យដឹងនៅលើទំព័រហ្វេសប៊ុករបស់សម្ដេចតេជោនាយករដ្ឋមន្ត្រីនាព្រឹកថ្ងៃទី១៦ ខែតុលានេះ។

គួរបញ្ជាក់ផងដែរថា បើតាមសេចក្ដីប្រកាសព័ត៌មានរបស់ក្រសួងការបរទេសទេសនិងសហប្រតិបត្តិការអន្តរជាតិ គណៈប្រតិភូអញ្ជើញអមដំណើរសម្ដេចតេជោនាយករដ្ឋមន្ត្រី មានឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសនិងសហប្រតិបត្តិការអន្តរជាតិ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីសាធារណការ និងដឹកជញ្ជូន ព្រមទាំងឥស្សរជនជាន់ខ្ពស់នៃរាជរដ្ឋាភិបាល និងថ្នាក់ដឹកនាំធុរកិច្ចនៃសភាពាណិជ្ជកម្មកម្ពុជាផងដែរ។បន្ទាប់ពីប្រជុំអាស៊ីអឺរ៉ុប សម្ដេចតេជោនាយករដ្ឋមន្ត្រីនឹងធ្វើទស្សនៈកិច្ចនៅប្រទេសទួគី ចាប់ពីថ្ងៃទី២០ ដល់ថ្ងៃទី ២២ តុលា។ ហើយក្នុងថ្ងៃទី២២ ខែតុលា ឆ្នាំ២០១៨ដដែល សម្ដេចនឹងអញ្ជើញធ្វើដំណើរចេញពីប្រទេសទួគី ទៅកាន់ទីក្រុង ហ្សឺ ណែវប្រទេសស្វីស ដើម្បីចូលរួមសន្និសីទស្តីពីពាណិជ្ជកម្ម។បើតាមការគ្រោងទុក បន្ទាប់ពីបំពេញបេសកកម្មក្រៅប្រ ទេសលើកនេះ សម្ដេចតេជោនាយករដ្ឋមន្ត្រីនឹងអញ្ជើញធ្វើមាតុភូមិនិវត្តន៍ចាកចេញពីប្រទេសស្វីសនៅយប់ថ្ងៃទី២៤ ខែតុលា ឆ្នាំ២០១៨ហើយនឹងអញ្ជើញវិលត្រឡប់មកដល់ព្រះរាជាណាចក្រកម្ពុជាវិញនៅថ្ងៃទី២៥ ខែតុលា ឆ្នាំ ២០ ១៨ ដើម្បីដឹកនាំការប្រជុំសេចក្តីពីការព្រាងច្បាប់ថវិកាសម្រាប់ការគ្រប់គ្រងឆ្នាំ២០១៩ នៅព្រឹកថ្ងៃទី ២៦ តុលា ២០១៨។

សម្ដេចបានគូសបញ្ជាក់បន្ថែមនៅលើទំព័រហ្វេសប៊ុករបស់សម្ដេចថា៖ «ក្រឡេកមើលកម្មវិធីការងារនៅក្រៅប្រទេសលើកនេះពិតជាមមារញឹកស្ទើរតែរកពេលបាយមិនឃើញ ប្រជុំផង ជំនួបទ្វេភាគីផង តែខ្ញុំពេញចិត្តនឹងធ្វើកិច្ចការនេះ ព្រោះជាប្រយោជន៍ជាតិយើង។ការងារមួយដែលខ្ញុំមិនអាចបោះបង់ចោលបាន គឺជួបបងប្អូនប្រជាជន និងនិសិ្សតខ្មែរដែលកំពុងរស់នៅ​ និងរៀនសូត្រនៅអឹរ៉ុប ដែលបងប្អូនកូនក្មួយកំពុងរង់ចាំខ្ញុំនៅទីនោះ។»

លើសពីនេះទៅទៀត សម្ដេចតេជោនាយករដ្ឋមន្ត្រីបានសង្កត់ធ្ងន់អំពីភាពជាអ្នកដឹកនាំយ៉ាងដូច្នេះថា៖«ការងារយោធាកូនទាហានដើរមុខ មេទាហានដើរក្រោយ ឯការងារនយោបាយវិញ គឺមេដឹកនាំដើរមុខ អ្នកជំនួយការដើរក្រោយវិញ ហើយនេះប៉ះលើរូបខ្ញុំតែម្តង គឺដើរមុខជានិច្ច។តើនេះជាព្រហ្មលិខិតដែលតម្រូវអោយខ្ញុំធ្វើក្នុងជាតិនេះមែនទេ? តែបើទោះជាដោយមូលហេតុ ណាក៏ដោយ ខ្ញុំត្រូវតែធ្វើដើម្បីសេចក្តីសុខ និងការរីកចំរើនរបស់ជាតិយើង។»ជាមួយគ្នានេះដែរ សម្ដេចក៏បានផ្ញើសារជូនពរដល់បងប្អូនជនរួមជាតិខ្មែរ ឱ្យជួបប្រទះតែសេចក្តីសុខគ្រប់គ្នាផងដែរ៕

រូបភាព៖ ហ្វេសប៊ុកសម្ដេចតេជោនាយករដ្ឋមន្ត្រី

RAC Media | លឹម សុវណ្ណរិទ្ធ

  ថ្ងៃអង្គារ, 16 តុលា 2018 ម៉ោង 11:38 AM

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ថ្លែងក្នុងពិធីបើកសិក្ខាសាលាកសាងសមត្ថភាពស្តីពី «បម្លាស់ប្តូរបៃតងសម្រាប់សន្តិសុខធនធានថាមពល និងធនធានទឹកនៅក្នុងអនុតំបន់ទន្លេមេគង្គ» នៅលើទឹកដីហាឡុង

(ហាឡុង)៖ ថ្លែងក្នុងសុន្ទរកថាស្វាគមន៍ នាព្រឹកថ្ងៃទី១៦ ខែតុលា ឆ្នាំ២០១៨ ក្នុងកម្មវិធីសិក្ខាសាលាដែលរៀបចំនៅទីក្រុងហាឡុង ខេត្តគ័ងនីង សាធារណៈរដ្ឋសង្គមនិយមវៀតណាមដោយមាន៣ប្រទេសចូលរួម គឺ វៀតណាម កម្ពុជា ឡាវ ក្រោមការឧបត្ថម្ភពីវិទ្យាស្ថានបរិស្ថានកូរ៉េ (CLV+KEI)ឯកឧត្តមបណ្ឌិតសភាចារ្យ សុខ ទូច បានមានប្រសាសន៍ ផ្តោតសំខាន់ទៅលើស្ថានភាពសេដ្ឋកិច្ច-ពាណិជ្ជកម្មពិភពលោក ដែលមានការរីកចម្រើនយ៉ាងឆាប់រហ័ស ប៉ុន្តែក៏ទាម ទារឱ្យមានការយកចិត្តទុកដាក់យ៉ាងខ្លាំងបំផុតដូចគ្នាលើការប្រែប្រួលអាកាសធាតុពិភពលោក ដែលជាកង្វល់យ៉ាងសម្បើមរបស់មនុស្សលោក និង ការប្រើប្រាស់ថាមពល ធនធានធានទឹក ធនធានធម្មជាតិយ៉ាងណាឱ្យប្រកបដោយប្រសិទ្ធភាពនិងនិរន្តរភាព។

ឯកឧត្តមបណ្ឌិតសភាចារ្យបានមានប្រសាសន៍ថា «កំណើនសេដ្ឋកិច្ច និងការអភិវឌ្ឍដោយគ្មាននិរន្តរភាព កំពុងជំរុញ ឱ្យប្រព័ន្ធអេកូទន្លេមេគង្គស្ថិតនៅលើចំណុចមួយ ដែលងាយរងនូវការបាត់បង់ដែលនឹងធ្វើឱ្យប៉ះពាល់ដល់ភាពរីក ចម្រើនរបស់តំបន់នេះ។ចក្ខុវិស័យមិនវែងឆ្ងាយ ការសម្រេចចិត្តមិនបានត្រឹមត្រូវ ក្នុងការប្រើប្រាស់ធនធានរបស់ទន្លេមេគង្គសម្រាប់តែរយៈពេលខ្លី ដោយគ្មានការពិចារណាពីផលប៉ះពាល់រយៈពេលវែងដល់អាងទន្លេ គឺបានបំផ្លិចបំផ្លាញដល់សេដ្ឋកិច្ច និងបរិស្ថានតំបន់យ៉ាងធ្ងន់ធ្ងរ»។ លោកបានបន្តថា «ជាឧទាហរណ៍ថ្មីៗនេះ មានសាងសង់ទំនប់វារីអគ្គិ សនីនៅលើដងទន្លេមេគង្គក្រោម ហើយហេតុផលតែមួយគត់ ដែលគេលើកឡើង គឺកង្វះថាមពលអគ្គិសនី ដូច្នេះធ្វើឱ្យរដ្ឋាភិបាលនានាបង្កើតវាកាន់តែច្រើនឡើងៗបន្ថែមទៀត។ទំនប់វារីអគ្គិសនីធំៗបានបង្អាក់ដល់ផ្លូវធ្វើដំណើរបស់    មច្ឆាជាតិនានា ជាពិសេសបំផ្លាញដល់ប្រភេទត្រីកម្រ និងគំរាមកំហែងដល់សន្តិសុខស្បៀងរបស់ប្រជាពលរដ្ឋក្នុងតំបន់ផងដែរ ហើយចំពោះការបូមខ្សាច់ដែលមិនមានការហាមឃាត់ និងគ្រប់គ្រងបានល្អក៏បានធ្វើឱ្យមានសំណឹកបាក់ច្រាំងទន្លេ និងមហន្តរាយដល់ផ្នែកខាងក្រោមនៃអាងទន្លេនេះផងដែរ។ ហេតុនេះ អ្នកសម្រេចចិត្តទាំងនោះត្រូវតែគិតឡើងវិញ ពីរបៀបដែលពួកគេគិតអំពីទន្លេមេគង្គបើចង់ឃើញសេដ្ឋកិច្ចក្នុងតំបន់នេះនៅបន្តរីកលូតលាស់។ តំបន់នេះមិនអាចនៅតែបន្តមើលរំលងផលប៉ះពាល់បរិស្ថាន ថាតិចតួចជាងបញ្ហាសេដ្ឋកិច្ចនោះទេពីព្រោះចំណុចទាំងពីរនេះគឺមានសារៈសំខាន់ដូចគ្នា»។បន្ថែមពីលើនេះទៀត ឯកឧត្តមបណ្ឌិតសភាចារ្យ បានវាយតម្លៃយ៉ាងខ្ពស់ចំពោះការប្រធានបទដែលលើកយកមកពិភាក្សាក្នុងសិក្ខាសាលាលើកនេះ ថា«សិក្ខាសាលាដែលពួកយើងកំពុងតែប្រារព្ធឡើងនៅថ្ងៃនេះ គឺជាការរួមចំណែកដ៏មានសារៈសំខាន់បំផុតចំពោះការអនុវត្ត និងការទទួលយកនូវទស្សទាននៃបម្លាស់ប្តូរបៃតង និងការធានានូវសន្តិសុខធនធានថាមពល និងធនធានទឹកនៅក្នុងអនុតំបន់មេគង្គ សម្រាប់ការការអភិវឌ្ឍន៍ដោយចីរភាពនៅក្នុងតំបន់របស់យើងនិងនៅទូទាំងពិភពលោកហើយសិក្ខាសាលានេះក៏កំពុងតែដើរតួជាមជ្ឈមណ្ឌល ជួបជុំគ្នាសម្រាប់អ្នកសិក្សាស្រាវជ្រាវ អ្នកបង្កើតគោលនយោបាយ អ្នកអនុវត្ត ធុរជន និងអ្នកចូលរួមផ្សេងទៀត ដើម្បីចែករំលែកចំណេះដឹង និងបទពិសោធន៍របស់ខ្លួនអំពីប្រធានបទខាងលើ ហើយចំពោះប្រធានបទនាថ្ងៃនេះ ថ្វីត្បិតតែពាក្យពេជន៍ខុសពីប្រធានបទកាលពីម្សិលមិញក៏ពិតមែន ប៉ុន្តែវាបានផ្សារភ្ជាប់ទៅនឹងប្រទេសភូមិផងរបងជាមួយទាំងបី គឺ កម្ពុជា ឡាវ វៀតណាម។ ម្យ៉ាងទៀត ទំនាក់ទំនងរវាងប្រទេសយើងទាំងបី គឺត្រូវបានចងភ្ជាប់ដោយចំណងភូមិសាស្ត្រ ប្រវត្តិសាស្ត្រ និងនយោបាយ ជាពិសេស ទន្លេមេគង្គបានក្លាយជានិមិត្តរូបដ៏សំខាន់នៃចំណងមិត្តភាពរបស់យើង, ប្រជាជននៃប្រទេសយើងទាំងបីបានផឹកទឹកទន្លេនេះជាមួយគ្នារាប់ពាន់ម៉ឺនឆ្នាំមកហើយ។

ដូច្នេះ ការគិតគូរ និងការធ្វើសកម្មភាពរួមគ្នាក្នុងការពារ ថែរក្សា និងអភិរក្សទន្លេនេះ គឺជារឿងចាំបាច់បំផុត។ ខ្ញុំសង្ឃឹមថា ប្រធានបទដ៏សំខាន់នេះ នឹងត្រូវបានពិភាក្សាយ៉ាងផុលផុសនៅក្នុងអំឡុងពេលនៃការពិភាក្សាបន្ទាប់ពីកម្មវិធីបើកសិក្ខាសាលានេះ»។

RAC Media

  ថ្ងៃអង្គារ, 16 តុលា 2018 ម៉ោង 11:15 AM

«ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាអញ្ជើញចូលរួមក្នុងកម្មវិធីសន្និសីទអន្តរជាតិប្រចាំឆ្នាំ ៣ប្រទេស (CLV) ក្នុងបរិបទថ្មី»

នាព្រឹកថ្ងៃទី១៥ ខែតុលា ឆ្នាំ២០១៨ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា អញ្ជើញចូលរួមក្នុងកម្មវិធីសន្និសីទអន្តរជាតិប្រចាំឆ្នាំ ៣ប្រទេស(CLV) រួមមាន វៀតណាម-កម្ពុជា-ឡាវ ដែលកំពុងប្រព្រឹត្តិទៅនៅទីក្រុងហាឡុង ខេត្តហ្គ័ងនីង សាធារណដ្ឋសង្គមនិយមវៀតណាម។នេះជាលើកទី៧ នៃកម្មវិធីសន្និសីទប្រចាំឆ្នាំដែលវៀតណាមធ្វើជាម្ចាស់ផ្ទះបន្ទាប់ពីកម្ពុជាកាលពីឆ្នាំមុនដែលបានប្រ ព្រឹត្តិទៅនៅទឹកដីសៀមរាប ព្រះរាជាណាចក្រកម្ពុជា ស្តីពី«ទំនាក់ទំនងកម្ពុជា-ឡាវ-កម្ពុជា៖ប្រវត្តិសាស្ត្រ វប្បធម៌ និង ប្រជាជន»។

ថ្លែងក្នុងឱកាសនោះ ឯកឧត្តមបណ្ឌិតសភាចារ្យ សុខ ទូច បានមានប្រសាសន៍ថា«នេះជាពេលវេលាថ្មីមួយដែលយើងទាំងអស់គ្នាបន្តរួមគ្នាគិត រួមគ្នាធ្វើទាំងអស់គ្នាដើម្បីជំរុញកិច្ចសហប្រតិបត្តិការរវាងគ្នាឱ្យកាន់តែមានប្រសិទ្ធភាពខ្ពស់ឡើងស្របទៅតាមចរន្តប្រែប្រួលនៃនយោបាយតំបន់និងពិភពលោក ជាពិសេស នៅចំពោះមុខការប្រកួតប្រជែងនៃសង្គ្រាមពាណិជ្ជកម្មរវាងសហរដ្ឋអាម៉េរិក និង មហាយក្សចិន បដិវត្តន៍ឧស្សាហកម្មទី៤ ការទប់ស្កាត់បញ្ហាភេរវកម្ម ការវាយប្រហារតាមប្រព័ន្ធអ៊ីនធើណតនិងចរាចរណ៍គ្រឿងញៀនឆ្លងដែនជាដើម។

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានបន្តទៀតថា« ខ្ញុំយល់ឃើញថា សន្និសីទនេះជាមជ្ឈមណ្ឌលជួបប្រជុំគ្នារវាងអ្នកស្រាវជ្រាវ អ្នករៀបចំគោលនយោបាយ និងអ្នកពាក់ព័ន្ធផ្សេងទៀតនៃប្រទេសទាំង បីអាចធ្វើការរួមគ្នាក្នុងបំណង៖ (១).កំណត់បញ្ហាប្រឈមរួមនិងដោយឡែកក្នុងទំនាក់ទំនងរវាងប្រទេសទាំងបី កម្ពុជា ឡាវ វៀតណាម, (២).ប្រមូលទស្សនៈ បទពិសោធន៍ អនុសាសន៍ និងយុទ្ធសាស្ត្រ ដើម្បីសន្តិភាព សុខដុមភាព និងវិបុលភាពក្នុងប្រទេសទាំងបីកម្ពុជា ឡាវ វៀតណាម, (៣).កំណត់យន្តការសម្រាប់កិច្ចសហប្រតិបត្តិការដែលអាចមាន ដើម្បីដោះស្រាយបញ្ហារួម, (៤).ជំរុញអន្តរកម្មប្រកបដោយការស្ថាបនារវាងអ្នកស្រាវជ្រាវ និងអ្នកធ្វើគោលនយោបាយ ដែលមានវត្តមានក្នុងសន្និសីទនេះ (៥).លើកកម្ពស់ស្មារតីសន្តិភាពនិងឯកភាពរវាងបណ្តាមនុស្សជាតិ។ (៦). កែប្រែព្រំដែននៃប្រទេសទាំងបី ទៅជាព្រំដែនសន្តិភាព និងការអភិវឌ្ឍប្រកបដោយចីរភាព។ (៧). យើងកែប្រែប្រជាជនដែលរស់នៅតាមបណ្តោយព្រំដែនប្រទេសទាំងបី ដើម្បីឱ្យក្លាយទៅជាភូមិគំរូមួយ សម្រាប់ប្រជាជនដែលមិនរស់នៅព្រំដែន ដែលពួកគេតែងយល់ថា ព្រំដែនជាកន្លែងរត់ពន្ធមនុស្ស គ្រឿងញៀន និងអាវុធខុសច្បាប់,និង (៨) ។អង្គសន្និសីទបង្ហាញពីការរឹតចំណងវប្បធម៌រវាងប្រទេសយើងទាំងបី ព្រោះថាគ្មានវប្បធម៌ណា ល្អជាងវប្បធ៌មណាទេ វប្បធម៌ប្រទេសទាំង៣ កម្ពុជា ឡាវ និងវៀតណាម គឺពិតជាមានតម្លៃវិសេសវិសាលណាស់មិនអាចកាត់ថ្លៃបាន ទេ។វប្បធម៌បង្ហាញពីអត្តសញ្ញាណជាតិរបស់ប្រទេសនីមួយៗ បើគ្មានវប្បធម៌ គឺគ្មានជាតិសាសន៍នោះឡើយ។(៩) យើងគួរចាប់ផ្តើមនិយាយអំពីជង្រុកស្រូវរបស់ប្រទេសតាមដងទន្លេមេគង្គដែល មេដឹកនាំរបស់យើងធ្លាប់បានលើកឡើងកន្លងមក យើងនឹងពង្រីកដៃគូបណ្តាប្រទេសដែលរស់នៅតាមដងទន្លេមេគង្គនេះ។

ឆ្លៀតឱកាសនោះ ឯកឧត្តមបណ្ឌិតសភាចារ្យ បានទាញចំណាប់អារម្មណ៍អង្គពិធីទាំងមូលអំពី ប្រសាសន៍របស់ប្រមុខ រដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅក្នុងវេទិកាសេដ្ឋកិច្ចពិភពលោក ដែលបានរៀបចំឡើងនៅក្រុងហាណូយ កាលពីខែកញ្ញា កន្លងទៅនេះ ដោយបានគូសបញ្ជាក់ សារជាថ្មីម្តងទៀត អំពីការផ្តួចផ្តើមនៃការចងជាសហគមន៍ស្រូវអង្ករនៃបណ្តាប្រទេសតាមដងទន្លេមេគង្គ ដើម្បីកំណត់ជាយន្តការរួមមួយក្នុងការនាំអង្ករចេញទៅកាន់សហគមន៍អន្តរជាតិ។ ទស្សនទាននៃការបង្កើតសហគមន៍ស្រូវអង្ករនេះ អាចជាប្រយោជន៍យ៉ាងសម្បើមដល់ប្រទេសផលិតស្រូវក្នុងជួយគ្នាទៅវិញទៅមក លើការកំណត់ស្ថិរភាពស្បៀងអាហារនៅក្នុងតំបន់ និងពិភពលោក ព្រោះថាប្រទេសដែលនៅតាមដងទន្លេមេគង្គ ជាប្រទេសដែលផលិតស្រូវអង្ករដូចគ្នា ហើយអ្វីដែលចំឡែកនោះគឺថា យើងជាប្រទេសផលិតស្រូវដូចគ្នា តែបែជាប្រកួតប្រជែងគ្នាឯងទៅវិញ។ក្នុងពិភពលោក គេមាន OPEC និង APEC ចុះហេតុអ្វីយើងមិនបង្កើតឱ្យមាននូវសមាគមនាំអង្ករចេញ(Association of Rice Exporting Countries-AREC)? បញ្ហានេះ ពិតជាទាមទារតួនាទីយ៉ាងសំខាន់របស់អ្នកគិតពីគោលនយោ បាយជាតិឬការពិគ្រោះគ្នារវាងក្រុម THINK TANKS នៃប្រទេសដងទន្លេមេគង្គទាំង៥។អ្វីដែលពិសេសជាងនេះ ក្នុងចំណោមប្រទេសទាំង៥ នៅពេលនេះយើងមាន៣ប្រទេសហើយ ដែលកំពុងមានវត្តមានក្នុងសន្និសីទអន្តរជាតិនាពេលនេះ។

ជាទីបញ្ចប់នេះ ឯកឧត្តមបណ្ឌិតសភាចារ្យ បានមានប្រសាសន៍ជូនពរដល់អង្គពិធីទាំងមូល ឱ្យមានដំណើរការយ៉ាងរលូនក្នុងការពិភាក្សាលើ ប្រធានបទគោលទាំង៣ខាងលើប្រកបដោយជោគជ័យ និងមានផ្លែផ្កាសម្រាប់អភិវឌ្ឍទំនាក់ទំនងនៃប្រទេសទាំងបីកាន់តែរឹងមាំទ្វេឡើង និងសូមជូនពរដល់ឯកឧត្តមប្រធានបណ្ឌិតសភាវិទ្យាសាស្រ្តសង្គមវៀត ណាមនិងឡាវ ព្រមទាំងភ្ញៀវកិត្តិយសជាតិ និងអន្តរជាតិទាំងអស់ ទទួលបាននូវសុខភាពល្អ ក្តីស្រឡាញ់ ស្នាមញញឹម ក្តីសង្ឃឹម និងជោគជ័យក្នុងការងារ៕

RAC Media៖ ម៉ៅ សុគន្ធា

  ថ្ងៃចន្ទ, 15 តុលា 2018 ម៉ោង 12:03 PM

«កម្ពុជាឈ្នះមេដាយមាស២គ្រឿងពីការប្រកួតកីឡាប៉េតង់ពិភពលោក»

ក្រុមកីឡាប៉េតង់កម្ពុជា បានឈ្នះមេដាយមាសចំនួន២គ្រឿងពីព្រឹត្តិការណ៍ការប្រកួត ប៉េតង់កម្រិតពិភពលោក Trophee L'Equipe នៅប្រទេសបារាំង ដោយកីឡាការិនី អ៊ុន ស្រីយ៉ា លើវិញ្ញាវាយទោលព្រមទាំងកីឡាការិនី កែ ឡេងនិង អ៊ុក ស្រីមុំ លើវិញ្ញាសាវាយគូនារី។

សូមជម្រាបថា កីឡាការិនី អ៊ុន ស្រីយ៉ា បានយកឈ្នះកីឡាការិនី Marie-Christine Virebayre របស់ម្ចាស់ផ្ទះបារាំង ដណ្ដើមបានមេដាយមាសកាលពី ថ្ងៃទី១២ខែតុលា ឆ្នាំ២០១៨ក្រោយពីឈ្នះកីឡាការិនីអ៊ីតាលី ១៣-១និងឈ្នះកីឡាការិនីទុយនេស៊ី ១៣-៦ដើម្បីឡើងទៅកាន់វគ្គពាក់កណ្ដាលផ្តាច់ព្រ័ត្រ យកឈ្នះកីឡាការិនីថៃដោយពិន្ទុ១៣-៧ ។ចំណែកកីឡាការិនី កែ ឡេង និង អ៊ុក ស្រី មុំ បានចាប់ដៃគ្នាដណ្ដើមបានមេដាយមាស ក្នុងព្រឹត្តិការណ៍ដដែលកាលពីថ្ងៃទី១១ ខែតុលា ឆ្នាំ ២០១៨។មេដាយ មាស នេះ ជាការឈ្នះលើកទី៤របស់ អ្នកស្រី កែ ឡេង ក្នុងព្រឹត្តិការណ៍ ពិភពលោកខណៈដែលកីឡាការិនី អ៊ុក ស្រី មុំ ក៏ធ្លាប់ឈ្នះមេដាយមាសកម្រិតពិភពលោកនេះផងដែរលើវិញ្ញាសា ឯកត្តជន កាលឆ្នាំ២០១៧។

សូមជម្រាបថា កម្ពុជាបានបញ្ជូនកីឡាករ-កីឡាការិនីចំនួន ៦រូបទៅចូលរួមប្រកួតព្រឹត្តិការណ៍ការប្រកួតប៉េតង់កម្រិត ពិភពលោកនៅបារាំង៕

ប្រភព៖ ខ្លី​ខ្លី  និងរូបថតដោយសហព័ន្ធប៊ូលនិងប៉េតង់កម្ពុជា

RAC Media | ហេង​ សុភី​

  ថ្ងៃសៅរ៍, 13 តុលា 2018 ម៉ោង 10:12 PM

«សម្តេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជាធ្វើមាតុភូមិនិវត្តន៍ ដោយសុខសុវត្ថិភាព»

នៅរសៀលថ្ងៃទី១២ ខែតុលា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរា ជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជា ត្រឡប់មកដល់មាតុប្រទេសវិញ ដោយសុវត្តិភាពហើយ បន្ទាប់ពីបានអញ្ជើញទៅបំពេញទស្សនកិច្ច និងចូលរួមក្នុងកិច្ចប្រជុំកំពូលមេគង្គ-ជប៉ុនលើកទី១០ នៅទីក្រុង តូក្យូ ប្រទេសជប៉ុន ពីថ្ងៃទី៦ដល់ទី១០ តុលា និងបន្តអញ្ជើញចូលរួមក្នុងជំនួបកំពូលរបស់ថ្នាក់ដឹកនាំអាស៊ាន មូលនិធិរូបិយវត្ថុអន្តរជាតិ និងធនាគារពិភពលោក ពីថ្ងៃទី១១ ដល់១២ តុលា នៅកោះបាលី ប្រទេសឥណ្ឌូនេស៊ី។

ជាលទ្ធផលនៃកិច្ចប្រជុំទាំង២ប្រទេសនេះ គឺទទួលបានលទ្ធផលល្អប្រសើរ ដោយក្នុងនោះថ្នាក់ដឹកនាំមេគង្គ-ជប៉ុន និងថ្នាក់ដឹកនាំអាស៊ានបានពិភាក្សាគ្នាយ៉ាងយកចិត្តទុកដាក់ សំដៅធ្វើឲ្យប្រសើរនូវកិច្ចសហប្រតិបត្តិការ ជំរុញផែនការយុទ្ធសាស្ត្រថ្មីៗ បង្កើននូវការតភ្ជាប់ លើកកម្ពស់សុខមាលភាពប្រជាជន ធ្វើយ៉ាងណាដើម្បីភាពរីកចម្រើនប្រទេសក្នុងតំបន់ និងពិភពលោក។

ជាមួយគ្នានោះតាមរយៈជំនួបកំពូលនេះ មិនត្រឹមតែជាវេទិកាមួយសម្រាប់ថ្នាក់ដឹកនាំអាស៊ានទាំងអស់ដើម្បីធ្វើការងារជិតស្និទ្ធថែមទៀតជាមួយស្ថាប័នហិរញ្ញវត្ថុអន្តរជាតិ និងអគ្គលេខាធិការអង្គការសហប្រជាជាតិ(អ.ស.ប) ប៉ុណ្ណោះទេ ប៉ុន្តែក៏ជាការបង្ហាញពីភាពជាអ្នកដឹកនាំ និងកិច្ចសហប្រតិបត្តិការដ៏រឹងមាំរបស់អាស៊ានក្នុងការសម្រេចបាននូវវឌ្ឍន៍ភាពដ៏ពិតប្រាកដឈានទៅសម្រេចគោលដៅអភិវឌ្ឍន៍ប្រកបដោយចីរភាព៕

ដកស្រង់ពី៖ ហ្វេសប៊ុកសម្ដេចតេជោនាយករដ្ឋមន្ត្រី

RAC Media | លឹម សុវណ្ណរិទ្ធ



  ថ្ងៃសុក្រ, 12 តុលា 2018 ម៉ោង 04:12 PM

«អង្ករកម្ពុជាឈ្នះពានរង្វាន់អង្ករល្អជាងគេបំផុត ក្នុងពិភពលោក ឆ្នាំ២០១៨»

(ហាណូយ,វៀតណាម)៖ អង្ករក្រអូបប្រណិតរបស់កម្ពុជា បានឈ្នះពានរង្វាន់ជាអង្ករល្អជាងគេបំផុត ក្នុងពិភពលោក សម្រាប់ឆ្នាំ២០១៨នេះ។

នេះបើតាមការបញ្ជាក់របស់ លោក មូល សារិទ្ធី អគ្គលេខាធិការសហព័ន្ធស្រូវអង្ករកម្ពុជាប្រាប់បណ្តាញព័ត៌មាន Fresh News នៅវេលាថ្ងៃត្រង់ ថ្ងៃទី១២ ខែតុលានេះ។ការឈ្នះពានរង្វាន់អង្ករល្អបំផុតក្នុងពិភពលោក (Worlds Best Rice 2018) នេះ នៅក្នុងសន្និសីទស្រូវ-អង្ករ ពិភពលោកលើកទី១០ (10th World Rice Conference) ដែលរៀបចំដោយThe Rice Traderរយៈពេល៣ថ្ងៃចាប់ពីថ្ងៃទី១០-១២ ខែតុលា ឆ្នាំ២០១៨ នៅទីក្រុងហាណូយ ប្រទេសវៀតណាម។

លោក សុខ ពុទ្ធិវុធ ប្រធានសហព័ន្ធស្រូវអង្ករកម្ពុជា ដែលចូលរួមក្នុង សន្និសីទស្រូវ-អង្ករ ពិភពលោកលើកទី១០ បានផ្សព្វផ្សាយពីគុណភាពអង្ករកម្ពុជា ជូនដល់ពិភពលោកផងដែរ។សូមជម្រាបថា កម្ពុជាធ្លាប់គ្រប់គ្រងពានរង្វាន់អង្ករជាងគេបំផុត ក្នុងពិភពលោក រយៈពេល៣ឆ្នាំជាប់គ្នា គឺឆ្នាំ២០១២, ២០១៣ និង២០១៤ ហើយសម្រាប់ឆ្នាំក្រោយមកទៀត គឺឆ្នាំ២០១៥, ២០១៦ និង២០១៧ កម្ពុជាទទួលចំណាត់ថ្នាក់លេខ២ ប៉ុន្តែសម្រាប់ឆ្នាំ២០១៨នេះកម្ពុជា អាចយកពានរង្វាន់នេះ ត្រឡប់មកវិញហើយ៕

ប្រភព: Fresh News

RAC Media | ហេង​ សុភី​

  ថ្ងៃសុក្រ, 12 តុលា 2018 ម៉ោង 03:57 PM

«សម្តេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជាធ្វើមាតុភូមិនិវត្តន៍»

នៅព្រឹកថ្ងៃទី១២ ខែតុលា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននិងកំពុងអញ្ជើញដឹកនាំគណៈប្រតិភូជាន់ខ្ពស់កម្ពុជា ត្រឡប់មកកាន់មាតុប្រទេសវិញហើយបន្ទាប់ពីបានអញ្ជើញទៅបំពេញទស្សនិកិច្ច និងចូលរួមក្នុងកិច្ចប្រជុំកំពូលមេគង្គ-ជប៉ុនលើកទី១០នៅទីក្រុង តូក្យូ ប្រទេសជប៉ុន ពីថ្ងៃទី៦ដល់ទី១០ តុលា និងបន្តអញ្ជើញចូលរួមក្នុងជំនួបកំពូលរបស់ថ្នាក់ដឹកនាំអាស៊ាន មូលនិធិរូបិយវត្ថុអន្តរជាតិ និងធនាគារពិភពលោក ពីថ្ងៃទី១១ ដល់១២ តុលា នៅកោះបាលីប្រទេសឥណ្ឌូនេស៊ី។

ជាលទ្ធផលនៃកិច្ចប្រជុំទាំង២ប្រទេសនេះ គឺទទួលបានលទ្ធផលល្អប្រសើរ ដោយក្នុងនោះថ្នាក់ដឹកនាំមេគង្គ-ជប៉ុន និងថ្នាក់ដឹកនាំអាស៊ានបានពិភាក្សាគ្នាយ៉ាងយកចិត្តទុកដាក់សំដៅធ្វើឲ្យប្រសើរនូវកិច្ចសហប្រតិបត្តិការ ជំរុញផែនការយុទ្ធសាស្ត្រថ្មីៗ បង្កើននូវការតភ្ជាប់ លើកកម្ពស់សុខមាលភាពប្រជាជន ធ្វើយ៉ាងណាដើម្បីភាពរីកចម្រើនប្រទេសក្នុងតំបន់ និងពិភពលោក៕

ដកស្រង់ពី៖ ហ្វេសប៊ុកសម្ដេចតេជោនាយករដ្ឋមន្ត្រី

RAC Media | លឹម សុវណ្ណរិទ្ធ

  ថ្ងៃសុក្រ, 12 តុលា 2018 ម៉ោង 03:48 PM

«សសរស្តម្ភ​ថ្មី​ចំនួន​៣ ស្ថិត​ក្នុងចំណោម​យុទ្ធសាស្ត្រ​ចម្បង​នៃ​យុទ្ធសាស្ត្រ​ក្រុង​តូ​ក្យូ ឆ្នាំ​២០១៨»

ថ្ងៃពុធ ទី១០ ខែតុលា ឆ្នាំ២៩១៨

​មេដឹកនាំ​ប្រទេស​មេគង្គ និង​ជប៉ុន សម្រេចបាន​នូវ​ផែនការ​យុទ្ធសាស្ត្រ​រួមគ្នា​ជាច្រើន នា​អំឡុង​នៃ​កិច្ចប្រជុំ​កំពូល​លើក​ទី​១០​នៅ​ក្រុង​តូ​ក្យូ ប្រទេស​ជប៉ុន ពីថ្ងៃ​ទី​៩ ដល់​ថ្ងៃទី​១០ ខែតុលា​។​ការតភ្ជាប់​ផ្នែក​រឹង ផ្នែក​ទន់ និង​ផ្នែក​ឧ​ស្សហកម្ម​ឱ្យមាន​ភាពរស់រវើក និង​មាន​ប្រសិទ្ធភាព ជា​សសរស្តម្ភ​ទីមួយ​ដែល​ត្រូវបាន​ដាក់ចេញ​នា​កិច្ចប្រជុំ​កំពូល​មេគង្គ​-​ជប៉ុន​លើក​ទី​១០ ដែល​ការចូលរួម​ពី​សំណាក់​លោកនាយក​រដ្ឋមន្ត្រី​ជប៉ុន ស៊ិន ហ្ស៊ូ​អា​បេ សម្តេចនាយក​រដ្ឋមន្ត្រី ហ៊ុន សែន លោកនាយក​រដ្ឋមន្ត្រី​ឡាវ ថង​លួ​ន ស៊ី​ស៊ូ​លី​ត លោកស្រី អ៊ុង សាន​ស៊ូ​ជី ទីប្រឹក្សា​រដ្ឋ និង​ជា​រដ្ឋមន្ត្រី​ក្រសួងការបរទេស នៃ​សហភាព​មី​យ៉ាន់​ម៉ា​,លោកនាយក​រដ្ឋមន្ត្រី​ថៃ ប្រា​យុទ្ធ ចាន់​អូ​ចា និង​លោកនាយក​រដ្ឋមន្ត្រី​វៀតណាម ង្វៀន សួន​ហ្វ៊ុ​ក​។​​បន្ថែម​ពីលើ​នេះ ថ្នាក់ដឹកនាំ​ទាំង​៦​ប្រទេស ដាក់ចេញ​នូវ​សសរស្តម្ភ​សង្គម ដោយ​ផ្តោតលើ​មនុស្ស លើ​ការងារ​ជា​ ចម្បង ដែល​ក្នុងនោះ​មាន ការអភិវឌ្ឍ​ធនធានមនុស្ស ការថែទាំង​សុខមាលភាព ការអប់រំ កិច្ចសហប្រតិបត្តិការ​ក្នុង​ វិស័យ​ច្បាប់ និង​តុលាការ​។ ​ការសម្រេចបាន​នូវ​មេគង្គ​បៃតង​ជា​សសរស្តម្ភ​ទី​បី​នៃ​កិច្ចសហប្រតិបត្តិការ ដោយ​ផ្តោតលើ​ការងារ កាត់បន្ថយ​ហានិភ័យ​គ្រោះមហន្តរាយ និង​ការប្រែប្រួល​អាកាសធាតុ ការគ្រប់គ្រង​ធនធានទឹក ការគ្រប់គ្រង​កាកសំណល់ ការអភិរក្ស និង​ការប្រើប្រាស់​ធនធាន​ជលផល​ប្រកបដោយ​ចីរភាព រួមទាំង​ថនិកសត្វ​ក្នុង​សមុទ្រ​។​​

ជាមួយគ្នានេះ លោក អា​បេ បាន​ថ្លែងថា មេដឹកនាំ​ប្រទេស តំបន់​ទន្លេមេគង្គ​ទាំង​៥ និង ជប៉ុន បាន សម្រេច​ដាក់ចេញ​នូវ «​យុទ្ធសាស្ត្រ​ទីក្រុង​តូ​ក្យូ​ឆ្នាំ​២០១៨ សម្រាប់​កិច្ចសហប្រតិបត្តិការ​មេគង្គ​-​ជប៉ុន​» សំដៅ​ពង្រឹង​ទំនាក់ទំនង និង​កិច្ច សហប្រតិបត្តិការ​ប្រទេស​តំបន់​មេគង្គ និង​ជប៉ុន ក៏ដូចជា​ឆ្លើយតប​បញ្ហា​នៅក្នុង​តំបន់ និង​លើ​ពិភពលោក​នាពេល​បច្ចុប្បន្ន​។

​​ពាក់ព័ន្ធ​លើ​សមិទ្ធផល និង​ស្ថានភាព​បច្ចុប្បន្ន​នៃ​កិច្ចសហប្រតិបត្តិការ​មេគង្គ​-​ជប៉ុន មេដឹកនាំ​ប្រទេស​មេគង្គ និង​ជប៉ុន បាន​លើកសរសើរ​ពី​សមិទ្ធផល​នៃ «​យុទ្ធសាស្ត្រ​ទីក្រុង​តូ​ក្យូ​ថ្មី​ឆ្នាំ​២០១៥» និង​ការអនុវត្ត ជំនួយ អភិវឌ្ឍន៍​ផ្លូវការ (ODA) ក្នុង​ទំហំ​ទឹកប្រាក់​ជាង ៧៥០​ពាន់​លាន​យ៉េន ក្នុង​រយៈពេល​បី​ឆ្នាំ​ចុងក្រោយ​នេះ​។​​ មេដឹកនាំ​មេគង្គ​-​ជប៉ុន ក៏បាន​សម្រេច ដាក់ចេញ កិច្ចសហប្រតិបត្តិការ​មេគង្គ​-​ជប៉ុន និង​ទិសដៅ​អភិវឌ្ឍន៍​ប្រកបដោយ​ចីរភាព (SDGs), និង​កិច្ចសហប្រតិបត្តិការ​មេគង្គ​-​ជប៉ុន និង​យុទ្ធសាស្ត្រ​នៃ​កិច្ចសហប្រតិបត្តិការ សេដ្ឋកិច្ច​អា​យ៉េ​យ៉ា​វ៉ា​ឌី​-​ចៅ​ប្រា​យ៉ា​-​មេគង្គ (Ayeyawady-Chao Phraya-Mekong Economic Cooperation Strategy-AMECS) ផងដែរ​។​​ សម្រាប់​បញ្ហា​តំបន់ និង​អន្តរជាតិ​វិញ មេដឹកនាំ​មេគង្គ​-​ជប៉ុន បានបញ្ជាក់​សាជាថ្មី​អំពី​ការប្តេជ្ញាចិត្ត ដ៏​រឹងមាំ​របស់ ខ្លួន​ក្នុង​ការពង្រឹង និង​ពង្រីក​កិច្ចសហប្រតិបត្តិការ​ជិតស្និទ្ធ លើ បញ្ហា​តំបន់ និង​សកល​នានា​៕

ប្រភព: ថ្មីថ្មី

RAC Media | ហេង​ សុភី​

  ថ្ងៃពុធ, 10 តុលា 2018 ម៉ោង 11:56 PM

មេគង្គ-ជប៉ុន និង មេគង្គ-ឡានឆាង«តើជប៉ុនអាចធ្វើបន្សាបឥទ្ធិពលចិននៅតំបន់មេគង្គទេ?»

​

  ថ្ងៃពុធ, 10 តុលា 2018 ម៉ោង 11:42 PM