រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
នៅព្រឹកថ្ងៃទី៣ ខែមីនា ឆ្នាំ២០២៤នេះ ព្រឹទ្ធសភានៃព្រះរាជាណាចក្រកម្ពុជាបានប្រាព្ធពិធីបើកសម័យប្រជុំដំបូង នីតិកាលទី៥ ក្រោមព្រះរាជាធិបតីភាពព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ដែលមានការចូលរួមពីសំណាក់សមាជិកព្រឹទ្ធសភា៦២អង្គ/រូប ដែលក្នុងនោះ សមាជិកចំនួន ២អង្គ ត្រូវបានចាត់តាំងដោយព្រះមហាក្សត្រ សមាជិកចំនួន ២រូប ត្រូវបានជ្រើសតាំងដោយរដ្ឋសភា និងសមាជិកចំនួន ៥៨រូប ត្រូវបានជ្រើសតាំងដោយការបោះឆ្នោតអសកល។
ជាលទ្ធផលនៃការបោះឆ្នោតជ្រើសរើសថ្នាក់ដឹកនាំព្រឹទ្ធសភានាព្រឹកនេះ សមាជិកទាំង ៦២អង្គ/រូប បានបោះឆ្នោតគាំទ្រសម្ដេចតេជោ ហ៊ុន សែន ជាប្រធានព្រឹទ្ធសភា ឯកឧត្ដម ប្រាក់ សុខុន ជាអនុប្រធានទី១ និងឯកឧត្ដម អ៊ុច បូររិទ្ធ ជាអនុប្រធានទី២។ លទ្ធផលនេះបានសបញ្ជាក់ឱ្យឃើញថា ឥស្សរជនជាន់ខ្ពស់នយោបាយកម្ពុជាទាំង៦២ អង្គ/រូប មានការយល់ឃើញស្របគ្នា និងបានគាំទ្រយ៉ាងពេញទំហឹងចំពោះ បេក្ខភាពសម្ដេចតេជោជាប្រធានស្ថាប័នកំពូលរបស់ជាតិមួយនេះ និងបេក្ខភាពអនុប្រធានទាំងពីររូបមកពីគណបក្សប្រជាជនកម្ពុជា ដែលសុទ្ធសឹងជាឥស្សរជនពោរពេញទៅដោយបទពិសោធនិងមូលធនទស្សនៈ នៅក្នុងនយោបាយការបរទេសកម្ពុជា។
លទ្ធផលនៃការបោះឆ្នោតនាពេលនេះ មិនត្រឹមតែបានបង្ហាញអំពី ការវាយតម្លៃខ្ពស់ចំពោះតួនាទីរបស់សម្ដេចតេជោជាប្រធានគណបក្សប្រជាជន នៅក្នុងការដឹកនាំនិងពង្រឹងតួនាទីរបស់ព្រឹទ្ធសភាប៉ុណ្ណោះទេ ថែមទាំងជាសារបង្ហាញពីការយល់ឃើញដូចគ្នារបស់សមាជិកព្រឹទ្ធសភាទាំងអស់ថា ដល់ពេលវេលាដែលកម្ពុជាត្រូវពង្រឹង និងពង្រីកបន្ថែមនូវទំនាក់ទំនងនយោបាយការបរទេសរបស់ខ្លួន តាមរយៈបទពិសោធន៍និងទេពកោសល្លដ៏ប៉ិនប្រសប់របស់បុរសខ្លាំងកម្ពុជា សម្ដេចតេជោ ហ៊ុន សែន ដែលជាប្រធានស្ថាប័ននេះផងដែរ។
លើសពីនេះ ការបោះឆ្នោតគាំទ្របេក្ខភាពសម្ដេចតេជោជាប្រធានព្រឹទ្ធសភា ពីសំណាក់សមាជិកព្រឹទ្ធសភាទាំង៦២ អង្គ/រូប ក៏មានសម្លេងរបស់សមាជិកព្រឹទ្ធសភាមកពីគណបក្សជំទាស់ចំនួន ៣រូបផងដែរ ដែលប្រការនេះបានបង្ហាញការទទួលស្គាល់នូវឥទ្ធិពល និងតួនាទីនយោបាយដ៏ចាំបាច់មិនអាចខ្វះបានរបស់សម្ដេច តេជោ ហ៊ុន សែន នៅក្នុងដំណើរនយោបាយរបស់កម្ពុជា បើទោះបីជាកន្លងមក អ្នកនយោបាយជំទាស់ តែងតែបង្ហាញនិន្នាការមិនយល់ស្របនឹងការដឹកនាំរបស់គណបក្សកាន់អំណាច ឬចំពោះយុទ្ធសាស្ត្រដឹកនាំរបស់សម្ដេចតេជោក៏ដោយក្ដី ព្រោះទោះបីជាយ៉ាងណាក៏ដោយ ទាំងអ្នកនយោបាយជំទាស់ និងអ្នកគាំទ្ររបស់ពួកគេ នៅតែទទួលបាននូវផលដោយផ្ទាល់ឬប្រយោល ចេញពីការអភិវឌ្ឍសង្គម ដែលជាផ្លែផ្កាកើតឡើងពីការដាក់ចេញនូវគោលនយោបាយ និងយុទ្ធសាស្ត្រដឹកនាំរបស់សម្ដេចតេជោប្រធានគណបក្សកាន់អំណាចផងដែរ៕
RAC Media | លឹម សុវណ្ណរិទ្ធ
---
* រាល់ទស្សនៈដែលបានលើកឡើងខាងលើនេះ គឺជាទស្សនៈយល់ឃើញផ្ទាល់របស់ស្មេរ និងមិនឆ្លុះបញ្ចាំងពីទស្សនៈរបស់រាជបណ្ឌិត្យសភាកម្ពុជានោះទេ។
ថ្ងៃពុធ, 03 មេសា 2024 ម៉ោង 03:49 PM
សូមថ្លែងអំណរគុណយ៉ាងជ្រាលជ្រៅជូនចំពោះឯកឧត្ដមបណ្ឌិតសភាចារ្យ អ៊ុក រ៉ាប៊ុន ដែលបានឧបត្ថម្ភថវិកាចំនួន ២០ ០០០ ០០០ រៀល ចូលរួមចំណែកនៅក្នុង «គម្រោងជីកប្រឡាយក្រវាត់ជុំវិញឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» ដែលប្រឡាយនេះមានជម្រៅ២ម៉ែត្រ ទទឹងប្រវែង៣ម៉ែត្រ និងបណ្តោយប្រវែង៥២គីឡូម៉ែត្រ ដែលត្រូវចំណាយថវិកាសរុបប្រមាណជា ៥២ម៉ឺនដុល្លារសហរដ្ឋអាម៉េរិក។
សូមគោរពជូនពរឯកឧត្ដមបណ្ឌិតសភាចារ្យ និងក្រុមគ្រួសារ មានសុខភាពល្អ និងទទួលបានជោគជ័យថ្មីបន្ថែមទៀត ជាពិសេសសូមទេព្តាឆ្នាំថ្មីប្រោសព្រំឯកឧត្តមបណ្ឌិតសភាចារ្យនិងក្រុមគ្រួសារ សូមទទួលបានសិរីមង្គលគ្រប់ប្រការ។
សូមបញ្ជាក់ថា ឯកឧត្តមបណ្ឌិតសភាចារ្យ បច្ចុប្បន្ន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ។ សូមបញ្ជាក់ដែរថា នាថ្ងៃទី១៨ ខែកក្កដា ឆ្នាំ២០២០ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានទទួលគោរមងារវិទ្យាសាស្ត្រជា "បណ្ឌិតសភាចារ្យ" និងបានក្លាយជាសមាជិកពេញសិទ្ធិនៃរាជបណ្ឌិត្យសភាកម្ពុជា ។
ថ្ងៃអង្គារ, 02 មេសា 2024 ម៉ោង 06:29 PM
ក្នុងឱកាសនៃការប្រារព្ធពិធីបុណ្យចូលឆ្នាំថ្មីប្រពៃណីជាតិ រាជបណ្ឌិត្យសភាកម្ពុជាគ្រោងរៀបចំការសម្តែងពិសេស ល្ខោននិយាយរឿង «នេះមិនមែនសុបិន្ត» នៅសាលមហោស្រពខេមរវិទូ ដោយមានការចូលរួមពី លោក ណេន ភារិទ្ធ និងកញ្ញា កែវ សុផានិត ដែលជាសិល្បករសិល្បការនីដែលពោរពេញដោយបទពិសោធនិងសមត្ថភាពក្នុងវិស័យល្ខោននិយាយនៅកម្ពុជា។
ជាងនេះទៅទៀត ដើម្បីបន្ថែមរសជាតិឱ្យរឿងនេះកាន់តែមានភាពចាប់អារម្មណ៍ បវរកញ្ញា Brainna Mai,3rd Runner-up កម្មវិធីសម្រស់ស្រ្តីជាសកល (Universal Woman Pageant) ក៏បានចូលរួមសម្តែងជាអប្សរាស ក្នុងឈុតឆាកមួយនៅក្នុងរឿងនេះផងដែរ។ គួរបញ្ជាក់ផងដែរថា កញ្ញា Brainnaជាកូនកាត់ខ្មែរអាម៉េរិកដែលបាននាំមោទតកភាពជូនជាតិមាតុភូមិ តាមរយៈការប្រកួតនានាលើឆាកអន្តរជាតិ។
ក្រៅពីជាបវរកញ្ញានៅក្នុងកម្មវិធីសម្រស់ស្រ្តីជាសកល (Universal Woman Pageant)នេះ កញ្ញា Brainna ក៏ជាគ្រូរបាំ និងអ្នករបាំនៅក្នុងសមាគមន៍អង្គរបែនគ្រុបនៃទីក្រុងណូវែល។ អ្វីដែលគួរឱ្យកត់សម្គាល់នោះគឺថាល្ខោននិយាយនេះ ក៏បានគឺឆ្លុះបញ្ចាំងឱ្យឃើញយ៉ាងច្បាស់ពីភាពដ៏មហាអស្ចារ្យនៃរបាំអប្សរារបស់ខ្មែរតាមរយៈការចូលសម្តែងពីក្រុមសិល្បៈឥស្សីវ៉ូលេដែលពោរពេញដោយភាពល្បីល្បាញនៅក្នុងវិស័យសិល្បៈនាពេលបច្ចុប្បន្ន។
គួររំលឹកផងដែរថា ល្ខោននិយាយ រឿង «នេះមិនមែនសុបិន្ត»នេះ គឺជាស្នាដៃដឹកនាំនិងនិពន្ធឿងដោយ លោកបណ្ឌិត ហង្ស រិទ្ធីរ៉ាវុធ អនុប្រធានវិទ្យាស្ថានវប្បធម៌និងវិចិត្រសិល្បៈនៃរាជបណ្ឌិត្យសភាកម្ពុជា។
ប្រសិនជាសាធារណជនមានចំណាប់អារម្មណ៍លើការសម្តែងខាងលើ សូមរង់ចាំទស្សនាការសម្តែងផ្ទាល់តាមរយៈគេហទំព័រហ្វេសប៊ុកនៃរាជបណ្ឌិត្យសភាកម្ពុជា និងគេហទំព័រមជ្ឈមណ្ឌលបណ្តុះបណ្តាលនិងស្រាវជ្រាវ។
សូមអរគុណ៕
ថ្ងៃអង្គារ, 02 មេសា 2024 ម៉ោង 04:34 PM
ដោយ៖ លឹម សុវណ្ណរិទ្ធ អនុប្រធាននាយកដ្ឋានទំនាក់ទំនងសាធារណៈ និងពិធីការ នៃអគ្គលេខាធិការដ្ឋាន រាជបណ្ឌិត្យសភាកម្ពុជា
ខ្មែរជាប្រជាជាតិដែលមានអារ្យធម៌ដ៏ចំណាស់មួយក្នុងតំបន់ ជាមួយនឹងកេរដំណែលដ៏មានតម្លៃបង្កប់ក្នុងវប្បធម៌ ប្រពៃណី និងទំនៀមទម្លាប់របស់ខ្លួន ដែលបន្សល់ពីបុព្វបុរសដូនតាខ្មែរអស់រយៈពេលរាប់ពាន់ឆ្នាំមកហើយ។ ពិធីបុណ្យចូលឆ្នាំ ប្រពៃណីខ្មែរ តែងតែត្រូវបានប្រារព្ធជារៀងរាល់ឆ្នាំ នៅថ្ងៃទី១៣-១៤-១៥ ឬ១៤-១៥-១៦ ខែមេសា នៃឆ្នាំនីមួយៗ។ គួរឱ្យសោកស្ដាយ នៅថ្ងៃចុងសប្ដាហ៍ ដំណាច់ខែមីនា ឆ្នាំ២០២៤ នៅរាជធានីភ្នំពេញ គេឃើញមានបាតុភាពអវិជ្ជមានមួយចំនួនកើតឡើងជាបន្តបន្ទាប់ រហូតមានការកក្រើកដល់សាធារណមតិ និងផ្ទុះការរិះគន់យ៉ាងខ្លាំងពីមហាជន ពិសេសនៅតាមបណ្ដាញសង្គមនានា ទៅលើក្រុមយុវជនមួយចំនួន ដោយក្នុងចំណោមនោះមានទាំងយុវសិស្សផង ដែលបានប្រព្រឹត្តអំពើមិនគួរគប្បី ប្រាសចាកពីវប្បធម៌ ទំនៀមទម្លាប់ ប្រពៃណី និងបង្កផលប៉ះពាល់យ៉ាងខ្លាំងដល់សន្តិសុខ និងសណ្ដាប់ធ្នាប់សង្គម។
ការលេងប៉ាតម្សៅ និងការលេងគប់ទឹកដាក់គ្នានៅតាមទីកន្លែងសាធារណៈ ក៏ដូចជានៅតាមដងវិថីឬផ្លូវតូចធំនានា មិនបានបង្ហាញអំពីការអបអរសាទរនៅមុនពិធីបុណ្យចូលឆ្នាំថ្មីប្រពៃណីខ្មែរ ក្នុងរូបភាពសេចក្ដីថ្លៃថ្នូរ ហើយក៏ដូចជាមិនបានបង្ហាញអំពីការចូលរួមថែរក្សា និងប្រកាន់ខ្ជាប់នូវប្រពៃណី ទំនៀមទម្លាប់ និងវប្បធម៌ដ៏ល្អផូរផង់របស់ប្រជាជាតិខ្មែរនោះទេ ប៉ុន្តែសកម្មភាពទាំងនេះ ថែមទាំងបានបង្ហាញពីកាយវិការដែលខ្វះការពិចារណាឱ្យគ្រប់ជ្រុងជ្រោយ គ្មានការប្រុងប្រយ័ត្នអំពីសុវត្ថិភាពផ្ទាល់ខ្លួននិងអ្នកដទៃ ក៏ដូចជាមិនបានបង្ហាញអំពីតម្លៃនិងកិត្តិយសរបស់យុវជនខ្លួនឯង ក្នុងនាមជាអ្នកបន្តវេនកសាងប្រទេសជាតិផងដែរ។
លើសពីនេះទៅទៀត យុវជនទាំងនោះបានបន្តការត្រេកត្រអាលនឹងភាពសប្បាយភ្លើតភ្លើនរបស់ខ្លួន បន្ថែមជាមួយនឹងការចុចស៊ីផ្លេយានយន្ត ពិសេសម៉ូតូនៅតាមដងផ្លូវ និងការជិះម៉ូតូប្រដេញគ្នាយ៉ាងប្រសេចប្រសាចដោយអនាធិបតេយ្យ ដែលទង្វើទាំងអស់នេះបានបង្ហាញពីកង្វះខាតខាងសីលធម៌របស់ពួកគេ ហើយបានបង្កការរំខានដល់អ្នកជុំវិញជាខ្លាំង។ ទង្វើនេះថែមទាំងបានបង្កជាហានិភ័យ ដែលអាចឈានទៅកើតមានគ្រោះថ្នាក់ទៅដល់ប្រជាពលរដ្ឋ ដែលធ្វើដំណើរឬរស់នៅតាមដងផ្លូវផងដែរ ដោយសារតែកាយវិការខ្វះការទទួលខុសត្រូវរបស់យុវជនទាំងនោះ។
បន្ថែមពីនេះផងដែរ គេបានកត់សម្គាល់ឃើញថា នៅក្នុងអំឡុងមុនចូលឆ្នាំនេះ គ្រឹះស្ថានអប់រំមួយចំនួន ក៏បានយកឱកាសនេះរៀបចំពិធីអបអរសាទរនៅមុនថ្ងៃចូលឆ្នាំប្រពៃណីខ្មែរ ដែលគេឃើញមានការបណ្ដែតបណ្ដោយឱ្យអ្នកចូលរួម ដែលភាគច្រើនជាយុវសិស្សមិនទាន់គ្រប់អាយុ១៨ឆ្នាំ សេពគ្រឿងស្រវឹងក្នុងសាលារៀនដែលជាទីកន្លែងអប់រំបណ្ដុះបណ្ដាលធនធានមនុស្ស ដោយមិនបានចាត់វិធានការហាមឃាត់ឱ្យបានតឹងរ៉ឹងឬគត់មត់នោះឡើយ។
សកម្មភាពអវិជ្ជមានទាំងអស់នេះ បានបង្កើតទៅជារូបភាពអនាធិបតេយ្យនៅក្នុងសង្គមនៅមុនការចូលមកដល់នៃពិធីចូលឆ្នាំប្រពៃណីខ្មែរ។ ជាងនេះទៅទៀត ក្នុងចំណោមយុវជនមួយចំនួនតូចទាំងនោះ
ក៏មានផងដែរ យុវសិស្សជាអ្នកបានរៀនសូត្រនៅសាលារៀន ដែលភាគច្រើនគឺជាសិស្សវិទ្យាល័យ សុទ្ធសឹងតែបានទទួលការអប់រំមុខវិជ្ជាសីលធម៌ និងសុជីវធម៌នៅក្នុងថ្នាក់រៀន ពុំគួរណាបែរជាមកប្រព្រឹត្តអំពើដ៏គួរឱ្យខ្មាស់អៀនខាងលើនេះឡើយ។ ប្រការនេះ ក្លាយទៅជារឿងដ៏គួរឱ្យអាម៉ាស់សម្រាប់សិស្សានុសិស្សទូទៅដែលប្រកាន់ខ្ជាប់នូវសីលធម៌ ដោយសារបុគ្គលមួយចំនួនតូចដែលមានឈ្មោះជាអ្នករៀនសូត្រដូចគ្នា បែរជាទៅប្រព្រឹត្តអំពើខុសឆ្គងដូចនេះ ដែលធ្វើឱ្យគេនឹកឃើញដល់ពាក្យស្ដីប្រដៅរបស់ខ្មែរ ដែលច្រើនតិះដៀលទៅបុគ្គលដែលបានប្រព្រឹត្តអំពើមិនគួរគប្បី ថាជា «មនុស្សមិនបានរៀនសូត្រ»។
ថ្វីដ្បិតនៅក្នុងឱកាសនោះ គេឃើញមានអាជ្ញាធរមានសមត្ថកិច្ច បានជួយសម្រួលចរាចរណ៍ និងថែរក្សាសណ្ដាប់ធ្នាប់ក្ដី តែអាជ្ញាធរមានសមត្ថកិច្ច ហាក់ដូចជានៅមានចន្លោះប្រហោងនៅឡើយ នៅក្នុងការគ្រប់គ្រងទីកន្លែងលេងកម្សាន្ត និងចាត់វិធានការឆ្លើយតបភ្លាមៗ ចំពោះសកម្មភាពអវិជ្ជមានមួយចំនួន ដែលជួនកាលមានភាពធ្ងន់ធ្ងរដល់មានការបៀតបៀនផ្លូវភេទពីសំណាក់យុវជនឈាមរាវមួយចំនួនដែលខ្វះការអប់រំ ទៅលើយុវតី និងស្ត្រីភេទក្នុងចំណោមហ្វូងមហាជន រាប់ចាប់តាំងពីការបន្លំប៉ះស្ទាបអង្អែល និងជួនកាលឈានទៅដល់ការចាប់ឱបថើប ដោយអសីលធម៌បំផុតនៅតាមទីសាធារណៈ។ ទង្វើទាំងនេះគឺសកម្មភាពបទល្មើសព្រហ្មទណ្ឌ ដែលគួរណាស់តែសមត្ថកិច្ចអាចអន្តរាគមន៍ឃាត់ខ្លួនជនល្មើសឱ្យបានភ្លាមៗនៅនឹងកន្លែង ដើម្បីការពារសេចក្ដីថ្លៃថ្នូររបស់នារីខ្មែរ ថែរក្សាប្រពៃណីនិងវប្បធម៌ដ៏ផូរផង់របស់ជាតិ ក៏ដូចជាការថែរក្សាសណ្ដាប់ធ្នាប់ក្នុងសង្គម។
ប្រសិនបើអ្នកពាក់ព័ន្ធ និងអាជ្ញាធរមានសមត្ថកិច្ច មិនអាចចាត់វិធានការក្ដៅ លុបបំបាត់និងបង្ក្រាបសកម្មភាពភ្លើតភ្លើនជ្រុលរបស់យុវជនមួយចំនួនខាងលើ ដែលឆ្លៀតយកពិធីអបអរសាទរនៅមុនថ្ងៃចូលឆ្នាំប្រពៃណីខ្មែរ មកបិទបាំងអំពើអនាធិបតេយ្យ និងអសីលធម៌ទាំងនេះនោះទេ វានឹងក្លាយជាការលើកទឹកចិត្តដោយប្រយោលទៅកាន់យុវជនទាំងនោះ ក៏ដូចជាយុវជនឯទៀត ដោយសារតែពួកគេយល់ឃើញថា ក្នុងអំឡុងពេលនេះ ពួកគេអាចធ្វើអ្វីស្រេចនឹងចិត្ត ដោយគ្មានការភ្ញាក់រឭក និងមិនខ្លាចរអារនឹងច្បាប់សង្គមនោះឡើយ៕
(ការលើកឡើងខាងលើ ជាទស្សនៈផ្ទាល់របស់អ្នកនិពន្ធ)
ថ្ងៃអង្គារ, 02 មេសា 2024 ម៉ោង 09:33 AM
At the invitation of President Yoon Suk-yeol of South Korea, Prime Minister Hun Manet has declared that he will head a high-ranking Cambodian delegation on a state visit to the Republic of Korea in May 2024. The declaration was made at the Council of Ministers meeting, which took place at the Peace Palace in Phnom Penh of Cambodia.
In order to support the Cambodian economy and generate employment opportunities for Cambodian people, Prime Minister Hun Manet emphasized his commitment to luring international investment. "We will also talk about boosting investment from South Korea," Manet said.
According to the General Department of Customs and Excise of Cambodia, Korea is currently the 12th-largest commercial partner of the Kingdom, behind China, the US, Vietnam, Thailand, Japan, Indonesia, Germany, Canada, Singapore, the UK, and Taiwan.
In the first quarter of 2023, Korea accounted for almost 10% of all foreign direct investment (FDI) in the Kingdom, with finance totaling 22.4 trillion riel ($5.467 billion), making it the second-largest source behind the United States, according to the National Bank of Cambodia (NBC).
As the country's new prime minister, Hun Manet stands for stability and leadership in Cambodian politics. His meeting with President Yoon Suk Yeol, who is in charge of a strong economy and a vital regional ally, emphasizes how crucial it is to develop close relations between the two countries.
Both leaders will have the chance to discuss important topics during this summit, including trade relations, security collaboration, and cross-cultural interactions. The conclusions of their talks may have a significant impact on Southeast Asia's and East Asia's sociopolitical environments.
Important topics of conversation in international diplomacy are cooperation and bilateral ties. It is anticipated that important conversation points on these subjects will be at the top of Hun Manet and President Yoon Suk Yeol's agenda when they get together in 2024. It is probable that the heads of state would investigate ways to strengthen the current connections between their nations, pinpoint shared interests, and look for chances to work together.
This is will be there second time to meet verbally, their first meeting was during the last ASEAN Summit in Indonesia. Hun Manet should find the most appropriate topics to talk with Korean president and ensure that those topics will be effectively considered by South Korean government.
President Yoon Suk Yeol and Hun Manet may talk about bilateral relations while addressing topics like investment, trade, security, and cross-cultural interactions. Through trade agreements, cooperative ventures that benefit both countries, and investment initiatives, they could try to increase economic cooperation. Talks about defense alliances, regional stability, and counterterrorism initiatives could also be included in security cooperation meetings.
As a good neighboring country with Vietnam, Cambodia should understand why Vietnam attracted many Korean investors to invest in Vietnam? And why Korean investors trust Vietnam more than Cambodia? Sometimes it is hard to listen but it is better to speak it out, and sometimes it is very important to listen to the bitter truth rather than listening to the sweet lie. Cambodian government should understand the real situation and try to improve its internal capacity in order to develop the country.
Hun Manet and President Yoon Suk Yeol can endeavor to strengthen their nations' economies and foster sustainable prosperity by encouraging trade alliances, investment opportunities, and joint ventures. In order to improve sectors like industry, agriculture, and technology, this partnership may entail exchanging knowledge, resources, and technological advancements.
It is also critical that Hun Manet and President Yoon Suk Yeol discuss regional and global issues that affect their respective nations as well as the larger international community. These difficulties could include matters of the economy, security, sustainability of the environment, and diplomatic relations with surrounding nations.
Strong diplomatic ties and mutual understanding between Cambodia and South Korea are fostered by cultural exchanges and interpersonal relationships between countries. Discussions about cultural exchanges between high-ranking officials like President Yoon Suk Yeol and Hun Manet create opportunities for cooperation in a variety of industries, including the arts, education, sports, and tourism.
This year Cambodia and China have signed an agreement on people-to-people exchange, Cambodia should consider to have this kind of the same program with South Korea because Korea is the first country who came to Cambodia after the first election in 1993. There are many things in Phnom Penh to proof that Korea is the first country that wanted to support Cambodia after Cambodia held their first election already.
The relationships between peoples of Cambodia and Korea serve as the cornerstone of diplomacy because they allow people to engage, share knowledge, and forge friendships that cut beyond national boundaries. Increased tourism, academic exchanges, commercial collaborations, and community-based projects that foster a stronger feeling of respect and cooperation can all result from these relationships.
One of the most important aspects of Hun Manet and President Yoon Suk Yeol's meeting in May 2024 is their cooperation in security and defense. It is impossible to overestimate the significance of cooperation in maintaining peace and stability in today's world.
Interestingly, there are a number of ways that Cambodia can entice more Korean investors to make investments there. For example, Cambodia can leverage ASEAN strategies to draw in Korean investors, and the government of Cambodia should think about creating a Special Economic Zone along the Vietnam-Cambodia border. This will allow Korean investors to learn more about Cambodia and expand their scope of consideration if they discover that there are numerous opportunities for them to operate businesses in Cambodia.
Ultimately, the meeting between Hun Manet and President Yeol would have an influence that goes beyond bilateral ties by providing a forum for respectful communication, strategic alignment, and constructive discourse. However, if Hun Manet really wants to have a fruitful discussion with Korea, Hun Manet should know what Korea wants to get from Cambodia? How Korean think about Cambodia? And what else should Cambodia do to restore the trust of South Korean investors to come to Cambodia again?
----
Seun Sam is a policy analyst of the Royal Academy of Cambodia.
ថ្ងៃសុក្រ, 29 មីនា 2024 ម៉ោង 09:48 PM
វត្តមាន កាល(ពេលវេលា) មានពាក់ព័ន្ធគ្រប់ផ្នែក គ្រប់វិស័យ គ្រប់សកម្មភាព និងមានសារៈសំខាន់ក្នុងជីវភាពរស់នៅប្រចាំថ្ងៃរបស់ប្រជាជនខ្មែរ។ ពេលវេលា ដើរតួនាទីសំខាន់ក្នុងការកត់ត្រា ឬកំណត់កាលបរិច្ឆេទព្រឹត្តិការណ៍ និងមានបង្កប់នូវអត្ថន័យទស្សនវិជ្ជាយ៉ាងជ្រាលជ្រៅផងដែរ។ ខ្មែរយើងប្រើទាំងសុរិយគតិ ទាំងចន្ទគតិ ក្នុងការរាប់ ថ្ងៃ ខែ ឆ្នាំ។
សូមចូលអានខ្លឹមសារលម្អិត និងមានអត្ថបទស្រាវជ្រាវជាច្រើនទៀតតាមរយ:តំណភ្ជាប់ដូចខាងក្រោម៖
https://rac.gov.kh/researchs-categories/1/researchs?page=10
ថ្ងៃព្រហស្បតិ៍, 28 មីនា 2024 ម៉ោង 02:55 PM
(រាជបណ្ឌិត្យសភាកម្ពុជា)៖ នៅថ្ងៃអង្គារ ២ រោច ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤ នៅវេលាម៉ោង ៣:០០នាទីរសៀល ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានដឹកនាំកិច្ចប្រជុំអគ្គលេខាធិការដ្ឋានរាជការនៃរាជបណ្ឌិត្យសភាកម្ពុជា ដែលមានការអញ្ជើញចូលរួមពីសំណាក់ឯកឧត្ដម សូត្រ សំណាង អគ្គលេខាធិការរង លោកប្រធាននាយកដ្ឋានរដ្ឋបាល និងហិរញ្ញវត្ថុ លោកស្រីប្រធាននាយកដ្ឋានបោះពុម្ពផ្សាយនិងបណ្ណាល័យ លោក-លោកស្រីអនុប្រធាននាយកដ្ឋានរដ្ឋបាល និងហិរញ្ញវត្ថុ លោក-លោកស្រីអនុប្រធាននាយកដ្ឋានបោះពុម្ពផ្សាយនិងបណ្ណាល័យ អនុប្រធាននាយកដ្ឋានទំនាក់ទំនងសាធារណៈនិងពិធីការ លោក-លោកស្រីអនុប្រធានមជ្ឈមណ្ឌលបណ្ដុះបណ្ដាល និងស្រាវជ្រាវ មន្ត្រីរាជការ និងបុគ្គលិកទាំងអស់នៃអគ្គលេខាធិការដ្ឋានរាជបណ្ឌិត្យសភាកម្ពុជា។
កិច្ចប្រជុំអគ្គលេខាធិការដ្ឋានរាជការនៃរាជបណ្ឌិត្យសភាកម្ពុជានារសៀលនេះ ត្រូវបានរៀបចំឡើងដោយផ្ដោតទៅលើរបៀបវារៈចំនួន៣គឺ ១. ដំណើរការអង្គភាពចំណុះអគ្គលេខាធិការដ្ឋានរាជបណ្ឌិត្យសភាកម្ពុជា ២. ទិសដៅ និងការពង្រឹងគុណភាពការងារ និង ៣. បញ្ហាផ្សេងៗ។
នៅក្នុងឱកាសដឹកនាំកិច្ចប្រជុំនេះ ឯកឧត្ដមបណ្ឌិត យង់ ពៅ បានណែនាំដល់ថ្នាក់ដឹកនាំអង្គភាពចំណុះអគ្គលេខាធិការដ្ឋាន ដែលត្រូវបានតែងតាំងថ្មីទាំងអស់ ត្រូវបន្តពង្រឹងស្មារតីទទួលខុសត្រូវឱ្យបានខ្ពស់បំផុតចំពោះតំណែងដែលត្រូវបានតែងតាំងជាផ្លូវការ និងការប្រគល់ភារកិច្ចផ្សេងៗពីថ្នាក់ដឹកនាំ ព្រមទាំងជំរុញការបំពេញការងារនៅក្នុងសាមគ្គីភាព ភារតភាព និងកិច្ចសហការការងារនៅក្នុងរង្វង់អង្គភាពសាមី និងក្នុងចំណោមអគ្គលេខាធិការដ្ឋានឱ្យបានជិតស្និទ្ធ។
បន្ថែមពីនេះ ឯកឧត្ដមបណ្ឌិតបានក្រើនរំឭកដល់ថ្នាក់ដឹកនាំនិងមន្ត្រីអគ្គលេខាធិការដ្ឋានរាជបណ្ឌិត្យសភាកម្ពុជាទាំងអស់ថា នៅក្នុងដំណើរជីវិតរបស់ឯកឧត្ដមបណ្ឌិត ឯកឧត្ដមបានផ្ដោតសំខាន់តាមកាលៈទេសៈនីមួយៗ ដោយនៅពេលរៀនត្រូវខំប្រឹងរៀនសូត្រឱ្យពូកែ បើធ្វើការ ត្រូវបំពេញការងារឱ្យល្អ នៅពេលកម្សាន្ត ត្រូវតែកម្សាន្តឱ្យបានរីករាយពិតប្រាកដ មិនត្រូវមានស្មារតីមិនខ្ជាប់ខ្ជួននៅក្នុងការបំពេញការងារនោះឡើយ។
ជាចុងក្រោយ ឯកឧត្ដមបណ្ឌិតអគ្គលេខាធិការបានលើកទឹកចិត្តឱ្យថ្នាក់ដឹកនាំនិងមន្ត្រីរាជការអង្គភាពចំណុះអគ្គលេខាធិការដ្ឋាន ត្រូវផ្ដោតលើគោលការណ៍នៅក្នុងដំណើរការបំពេញការងាររបស់ខ្លួនថា ត្រូវតែបន្សល់ទុកនូវសមិទ្ធផលការងារផ្ទាល់ខ្លួននៅគ្រប់ទិដ្ឋភាព និងមានភាពហ្មត់ចត់ ដោយកំណត់យកតួនាទីការងារជាអាទិភាពខ្ពស់បំផុត៕
RAC Media | នាយកដ្ឋានទំនាក់ទំនងសាធារណៈនិងពិធីការ
RAC Media | នាយកដ្ឋានទំនាក់ទំនងសាធារណៈនិងពិធីការ
ថ្ងៃអង្គារ, 26 មីនា 2024 ម៉ោង 06:34 PM
នៅក្នុងការបាញ់ប្រហារយ៉ាងរង្គាល នៅក្នុងសាលប្រគុំតន្ត្រីនៃមជ្ឈមណ្ឌល Crocus City Hall ដែលស្ថិតនៅជាយភាគខាងលិចនៃរដ្ឋធានីមូស្គូ និងមានចម្ងាយ២០គីឡូម៉ែត្រពីវិមានក្រឹមឡាំង នៅយប់ថ្ងៃទី២២ ខែមីនា ឆ្នាំ២០២៤ បានបណ្ដាលឱ្យមនុស្សយ៉ាងហោចណាស់ ១៣៣នាក់បានស្លាប់ និងជាង១០០នាក់បានរងរបួស។ ករណីនេះគឺជាការវាយប្រហារភេរវកម្មដ៏អាក្រក់បំផុតមួយនៅក្នុងប្រទេសរុស្ស៊ី បន្ទាប់ពីករណីភេរវកម្មឆ្នាំ២០០៤ ដែលកាលណោះបានបណ្ដាលឱ្យមនុស្សជាង ៣០០នាក់បាត់បង់ជីវិត។ ក្រោយពីកើតហេតុភ្លាម ក្រុមភេរវករ ISIS-K ដែលមានមូលដ្ឋាននៅក្នុងតំបន់ Khorasan នៃប្រទេសអាហ្វហ្កានីស្ថាន បានចេញមុខអះអាង ទទួលខុសត្រូវថា ខ្លួនគឺជាអ្នកនៅពីក្រោយនៃការបាញ់ប្រហារនេះ។
កាលពីខែកញ្ញា ឆ្នាំ២០២២ ក្រុម ISIS-K ក៏ធ្លាប់បានប្រកាសទទួលខុសត្រូវចំពោះការបំផ្ទុះគ្រាប់បែកទៅលើស្ថានទូតរុស្ស៊ី ក្នុងទីក្រុងកាប៊ុល ប្រទេសអាហ្វាហ្កាសនីស្ថានផងដែរ។ ក្រុមនេះតែងតែងបានរិះគន់ចំពោះលោកពូទីន នៅក្នុងសេចក្ដីថ្លែងការណ៍របស់ខ្លួន។ គួរបញ្ជាក់ផងដែរថា ប្រធានាធិបតីរុស្ស៊ី លោក វ្លាឌីមៀរ ពូទីន បានផ្លាស់ប្តូរស្ថានភាពសង្រ្គាមស៊ីវិលនៅក្នុងប្រទេសស៊ីរី តាមរយៈការធ្វើអន្តរាគមន៍នៅឆ្នាំ២០១៥ ដោយគាំទ្រប្រធានាធិបតី Bashar al-Assad ប្រឆាំងនឹងក្រុមប្រឆាំង ដែលក្រោយមកមួយផ្នែកនៃក្រុមនេះ បានងាកទៅចូលរួមបង្កើតក្រុមរដ្ឋអ៊ីស្លាម។
នៅបន្ទាប់ពីកើតឡើងនូវហេតុការណ៍ភេរវកម្មខាងលើនេះ អាជ្ញាធររុស្ស៊ីបានដាក់ការសង្ស័យទៅលើអ៊ុយក្រែនជាអ្នកនៅពីក្រោយនៃការវាយប្រហារនេះ ខណៈជនសង្ស័យដែលបានវាយប្រហារនេះ បានព្យាយាមធ្វើដំណើរទៅកាន់អ៊ុយក្រែន មុននឹងពួកគេត្រូវបានចាប់ខ្លួន។ លោក Dmitry Medvedev អនុប្រធានក្រុមប្រឹក្សាសន្តិសុខ បាននិយាយថា ប្រសិនបើការជាប់ពាក់ព័ន្ធរបស់ទីក្រុង Kyiv ក្នុងការវាយប្រហារលើសាលប្រគុំតន្ត្រីត្រូវបានបញ្ជាក់ នោះអ្នកពាក់ព័ន្ធទាំងអស់ «ត្រូវតែត្រូវបានតាមដាន និងសម្លាប់ដោយគ្មានមេត្តា រួមទាំងរដ្ឋមន្ត្រីនៃរដ្ឋដែលបានប្រព្រឹត្តអំពើហិង្សាបែបនេះ»។
មន្ត្រីអ៊ុយក្រែនបានទទូចថា ពួកគេគ្មានទំនាក់ទំនងនឹងការវាយប្រហារនោះទេ។ អ៊ុយក្រែនប្រាកដជាមិនមានអ្វីទាក់ទងនឹងការបាញ់ប្រហារ/ការផ្ទុះនៅសាលាក្រុ Crocus ។ លោក Mykhailo Podolyak ទីប្រឹក្សារដ្ឋបាលប្រធានាធិបតីអ៊ុយក្រែន បាននិយាយថា វាគ្មានន័យអ្វីទាំងអស់។ លោកបាននិយាយថា «អ៊ុយក្រែនមិនដែលងាកមកប្រើវិធីភេរវកម្មទេ។ វាតែងតែគ្មានន័យ»។
ទោះជាយ៉ាងណា ទាំងមេដឹកនាំ និងមន្ត្រីជាន់ខ្ពស់រុស្ស៊ី បានភ្ជាប់ករណីភេរវកម្មនេះ ទៅនឹងសកម្មភាពប្រឆាំងរុស្ស៊ីពីសំណាក់ប្រទេសអ៊ុយក្រែន ហើយលោកប្រធានាធិបតី ពូទីន ក៏បានប្តេជ្ញាសងសឹកយ៉ាងធ្ងន់ធ្ងរផងដែរ។
ការដាក់ការសង្ស័យទៅលើប្រធានាធិបតីអ៊ុយក្រែនថា គឺជាអ្នកនៅពីក្រោយការវាយប្រហារភេរវកម្មនេះ បានធ្វើឱ្យគេនឹកឃើញដល់ស្ថានភាព ប្រទេសអាហ្វហ្កាសនីស្ថាន ក្រោមការដឹកនាំរបស់របបតាលីបង់ នៅក្នុងឆ្នាំ២០០១ ដែលសហរដ្ឋអាម៉េរិកបានចោទរបបតាលីបង់អាហ្វហ្កាសនីស្ថាន ថាជារដ្ឋគាំទ្រភេរវកម្ម បន្ទាប់ពីព្រឹត្តិការណ៍ភេរវកម្ម ថ្ងៃទី១១ ខែកញ្ញា ឆ្នាំ២០០១ នៅសហរដ្ឋអាម៉េរិក។ ក្នុងន័យនេះ ការវាយប្រហារកាន់តែសន្ធាប់ទៅលើប្រទេសអ៊ុយក្រែន អាចនឹងត្រូវបានរៀបចំឡើងដោយយោធារុស្ស៊ី ដើម្បីបង្ហាញពីជំហរដ៏មុតមាំរបស់មេដឹកនាំរុស្ស៊ី នៅក្នុងការបន្តសង្គ្រាមជាមួយនឹងអ៊ុយក្រែន ក៏ដូចជាការផ្ដល់សារដែលមានន័យជាក់លាក់ទៅកាន់បស្ចិមប្រទេស។
បន្ថែមពីនេះ យុទ្ធនាការប្រយុទ្ធប្រឆាំងនឹងភេរវកម្ម អាចនឹងត្រូវបានលោកពូទីន យកមកធ្វើជាហេតុផលនៅក្នុងការឆ្លើយតបយ៉ាងម៉ឺងម៉ាត់ ប្រឆាំងទៅនឹងជំហរដែលបស្ចិមប្រទេស ពិសេសណាតូ បានបង្ហាញពីការបន្តការគាំទ្ររបស់ខ្លួនទៅដល់ប្រទេសអ៊ុយក្រែនផងដែរ។ ជាមួយគ្នានេះ គេជឿជាក់ថា លទ្ធភាពនៃការចាត់វិធានការជាបន្តបន្ទាប់ រាប់ចាប់តាំងពីការបំពាក់អាវុធកាន់តែទំនើប និងកម្រិតបំផ្លាញកាន់តែខ្ពស់ដល់កងកម្លាំងរុស្ស៊ីនៅក្នុងសមរភូមិជួរមុខ ក៏ដូចជាការចាត់វិធានការកាន់តែរឹតត្បិតដ៏តឹងរ៉ឹង ចំពោះរាល់សកម្មភាពទាំងឡាយណា ដែលអាជ្ញាធររុស្ស៊ីចាត់ទុកថាបង្កហានិភ័យដល់សន្តិសុខជាតិរុស្ស៊ី នឹងត្រូវបានធ្វើឡើងជាក់ជាមិនខាន។
លើសពីនេះទៅទៀត រុស្ស៊ី ក៏អាចនឹងប្រើប្រាស់ហេតុផលប្រយុទ្ធប្រឆាំងនឹងក្រុមភេរវកម្មជ្រុលនិយមនេះ កៀងគរបណ្ដារដ្ឋដែលជាសម្ព័ន្ធមិត្តជាយុទ្ធសាស្ត្ររបស់ខ្លួន ដើម្បីចាត់វិធានការរួមគ្នា ប្រឆាំងនឹងនិន្នាការបញ្ជូនកងទ័ព សព្វាវុធ ឬហិរញ្ញវត្ថុ ទៅដល់អ៊ុយក្រែន ដែលរុស្ស៊ីចាត់ទុកថាជារដ្ឋនៅពីក្រោយការធ្វើភេរវកម្មនៅក្នុងទឹកដីរុស្ស៊ីផងដែរ៕
RAC Media | លឹម សុវណ្ណារិទ្ធ
ថ្ងៃចន្ទ, 25 មីនា 2024 ម៉ោង 02:46 PM
ប្រតិបត្តិនិយម គឺជាប្រពៃណីទស្សនវិជ្ជា ដែលចាត់ទុកភាសា និងការគិតជាឧបករណ៍សម្រាប់ការទស្សន៍ទាយការដោះស្រាយបញ្ហា និងសកម្មភាព ជាជាងការពិពណ៌នា ការបង្ហាញ ឬការឆ្លុះបញ្ចាំងតថភាព។ ប្រតិបត្តិនិយមវិទូ អះអាងថា ប្រធានបទទស្សនវិជ្ជាភាគច្រើន ដូចជាធម្មជាតិនៃចំណេះដឹង ភាសា គោលគំនិត អត្ថន័យ ជំនឿ និងវិទ្យាសាស្ត្រ សុទ្ធតែត្រូវបានមើលយ៉ាងល្អបំផុតទាក់ទងនឹងការប្រើប្រាស់ជាក់ស្តែង និងភាពជោគជ័យរបស់ពួកគេ។ ប្រតិបត្តិនិយម បានចាប់ផ្តើមនៅសហរដ្ឋអាម៉េរិកក្នុងទសវត្សរ៍ឆ្នាំ១៨៧០។
អត្ថិភាពនិយម គឺជាទម្រង់នៃការសិក្សា ស្រាវជ្រាវទស្សនវិជ្ជាដែលស្វែងយល់ពីបញ្ហានៃអត្ថិភាពរបស់មនុស្ស។ ទស្សនវិទូអត្ថិភាពនិយម ស្រាវជ្រាវបញ្ហាទាក់ទងនឹងអត្ថន័យ គោលបំណង និងតម្លៃនៃអត្ថិភាពរបស់ មនុស្ស។ គំនិតទូទៅនៅក្នុងគំនិតអត្ថិភាពនិយម រួមមានវិបត្តិអត្ថិភាព ការភ័យខ្លាច និងការថប់បារម្ភ ចំពោះមុខពិភពលោក ដែលមិនសមហេតុផល និងឆន្ទៈសេរី ក៏ដូចជាភាពត្រឹមត្រូវ ភាពក្លាហាន និងគុណធម៌។
អត្ថិភាពនិយមត្រូវបានផ្សារភ្ជាប់ជា មួយនឹងទស្សនវិទូអឺរ៉ុប នៅសតវត្សរ៍ទី១៩និងសតវត្សរ៍ទី២០ ដែលបានចែករំលែកការសង្កត់ធ្ងន់លើប្រធានបទរបស់មនុស្ស ទោះបីជាជា រឿយៗ មានភាពខុសគ្នាយ៉ាងជ្រាលជ្រៅ នៅក្នុងគំនិតក៏ដោយ។
សូមចូលអានខ្លឹមសារលម្អិត និងមានអត្ថបទស្រាវជ្រាវជាច្រើនទៀតតាមរយ:តំណភ្ជាប់ដូចខាងក្រោម៖
https://rac.gov.kh/researchs-categories/1/researchs?page=10
ថ្ងៃព្រហស្បតិ៍, 21 មីនា 2024 ម៉ោង 09:18 PM
(រាជបណ្ឌិត្យសភាកម្ពុជា)៖ នាព្រឹកថ្ងៃព្រហស្បតិ៍ ១២ កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែមីនា ឆ្នាំ២០២៤នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបពិភាក្សាជាមួយប្រតិភូមន្ទីរអប់រំខេត្តយូណាន ដែលដឹកនាំដោយលោកសាស្ត្រាចារ្យ Zhang Chunhua ប្រធានមន្ទីរអប់រំ ខេត្តយូណាន។
បន្ទាប់ពីបានពិភាក្សាជាមួយប្រតិភូមន្ទីរអប់រំខេត្តយូណានរួច ឯកឧត្ដមបណ្ឌិតសភាចារ្យ ប្រធានរាជបណ្ឌិត្យសភាកម្ពុជា ក៏បានអញ្ជើញចុះអនុស្សរណៈយោគយល់គ្នារវាងរាជបណ្ឌិត្យសភាកម្ពុជា និងសាកលវិទ្យាល័យបណ្ដុះបណ្ដាលវិជ្ជាជីវៈ មេកានិក និងបច្ចេកវិទ្យាអេឡិចត្រូនិក ខេត្តយូណានផងដែរ។
អនុស្សរណៈយោគយល់គ្នារវាងរាជបណ្ឌិត្យសភាកម្ពុជា និងសាកលវិទ្យាល័យបណ្ដុះបណ្ដាលវិជ្ជាជីវៈ មេកានិក និងបច្ចេកវិទ្យាអេឡិចត្រូនិក ខេត្តយូណានខាងលើនេះ ផ្ដោតទៅលើ ៤ចំណុចសំខាន់ៗគឺ៖
១- ដើម្បីលើកកម្ពស់ការអប់រំ និងការបណ្តុះបណ្តាលបច្ចេកទេស
២- ដើម្បីផ្លាស់ប្តូរគ្រូបង្រៀន និងបុគ្គលិក នៃស្ថាប័នទាំងពីរ
៣- ដើម្បីផ្លាស់ប្តូរយោបល់គ្នាទៅវិញទៅមក
៤- អនុវត្តសកម្មភាព និងគម្រោងផ្សេងទៀតដែលភាគីទាំងពីរព្រមព្រៀងគ្នាជាមុន៕
RAC Media | លឹម សុវណ្ណរិទ្ធ
ថ្ងៃព្រហស្បតិ៍, 21 មីនា 2024 ម៉ោង 04:40 PM